كلمات أغانى شادية

أنا عندى مشكلة

أنا عندى مشكلة أنا ليا مشكلة

الحب جديد عليا وحكايته مطولة

والدنيا قصاد عينيا بالحب مقفلة

يا اللى حبيبتوا قبلى

وصادفتكم مشاكلى

اروح لمنين قولوا لى يحل المشكلة

*****

حبيبى قبل منى كان حب وانظلم

وقضى سنين طويلة فى الهجر والندم

وانا فى طريق حياتى لاقيته فى سكتى

وجيت حبيته اكتر من روحى ودنيتى

وقلت اليوم ده عمرى ونصيبى وقسمتى

يبص فى نور عينيا ويفتكرنى هى

ويقول لى واحدة زيك زمان ضحكت عليا

يا اللى حبيبتوا قبلى

وصادفتكم مشاكلى

اروح لمنين قولوا لى يحل المشكلة

*****

كتير كتير حاولت اهون عذابه وارحمه

مش قادرة اوصل لقلبه ولا قادرة افهمه

لو اغلط مرة واضحك يخاف من ضحكنى

وان قلت كلمة يفضل يلوع كلمتى

حتى ان بكيت يقرب ويحلل دمعتى

وبدال ما يلين شويه يقول فيه واحدة تانية

زمان كانت بتبكى بعدين ضحكت عليا

يا اللى حبيبتوا قبلى

وصادفتكم مشاكلى

اروح لمنين قولوا لى يحل المشكلة

*****

يا ناس قولوا لحبيبى يا ناس حكايته يفضها

قولوا له الناس قلوبهم مش زى بعضها

يا ناس قولوا لحبيبى يا ناس حكايته يفضها

قولوا له الناس قلوبهم مش زى بعضها

فيه واحدة غيرى قدرت تغير قلبها

أنا ذنبى ايه أقاسى واتحمل ذنبها

خلوه يدينى فرصة وأنا أموت حبها

قولوا له يحس بيا ويبطل ظلم فيا

وعمره مش هيندم لو سلم قلبه ليا

يا اللى حبيبتوا قبلى

وصادفتكم مشاكلى

اروح لمنين قولوا لى يحل المشكلة

لا لينا أهلى يا آبه

لا لينا أهلى يا آبه يسألوا علينا

ولا قلب حنين واحد فى اللى حوالينا

وبنبكى فى قلوبنا يا آبه

ولا دمعه فى عينينا يا آبه

لا لينا أهلى يا آبه يسألوا علينا

ولا قلب حنين واحد فى اللى حوالينا

وبنبكى فى قلوبنا يا آبه

ولا دمعه فى عينينا يا آبه

ياما شوفنا اللى ما حدش شافه

ياما شقينا ياما

والدنيا بتغصبنا نسلم ونبيع الابتسامه

ياما شوفنا اللى ما حدش شافه

ياما شقينا ياما

والدنيا بتغصبنا نسلم ونبيع الابتسامه

ورضينا ولا ما رضينا

مين يعنى دارى بينا

ولا نفعنا حد يا آبه

لا لينا أهلى يا آبه يسألوا علينا

ولا قلب حنين واحد فى اللى حوالينا

وبنبكى فى قلوبنا يا آبه

ولا دمعه فى عينينا يا آبه

يا اللى هنا

يا اللى هنا يا اللى هنا

ما ترد يا اللى انت هنا

اظهر وبان عليك الأمان

ياللى هنا نحن هنا

ماترد يا اللى انت هنا

أنا ياسمينا خفة وزينة أجمل زهرة فى أحلى جنينة

أجمل زهرة فى أحلى جنينة

رقص ومغنى خفة ومعنى

بس تعالى هنا واسمعنا

مين أنت

فين أنت

اظهر وبان عليك الأمان

سكون ووحشة

مسكتنى رعشة

والوهم قافش فى قلبى أفشه

معرفش مالى خايفة وكاشة

قربت أعيط

خلاص هأصوت

اظهر وبان عليك الأمان

يا سيــــــدى

بعد ما شفت الدبلة فى ايدى

عايز ليه تعرف مواعيدى

لا احنا هنرجع تانى أحبه ولا عاد بينا كلام يتخبى

قصدى ايه بقى منى يا سيدى

يا سيــــدى

من سنتين مشغول بهوايا ولا يوم بان لك حل معايا

بعد ما غيرك جه وخطبنى عايز تهدم عش هنايا

سيبك منى وريح بالك أنا وحياتك مش فاضية لك

لا احنا هنرجع تانى أحبه ولا عاد بينا كلام يتخبى

قصدى ايه بقى منى يا سيدى

يا سيــــدى

قصدك تبعد عنى خطيبى بعد ما جانى وهو نصيبى

ولا عايزنى اسيبه عشانك وتعود تانى تقول لى حبيبى

سيبك منى وريح بالك أنا وحياتك مش فاضية لك

لا احنا هنرجع تانى أحبه ولا عاد بينا كلام يتخبى

قصدى ايه بقى منى يا سيدى

يا سيــــدى

قلبى خلاص مابقاش علشانك مهما تعيش توهب لى حنانك

هيعيش ويا اللى اتقدم له واللى بعطفه هيبقى مكانك

سيبك منى وريح بالك أنا وحياتك مش فاضية لك

لا احنا هنرجع تانى أحبه ولا عاد بينا كلام يتخبى

قصدى ايه بقى منى يا سيدى

يا سيــــدى

سوا سوا

الدنيا حلوة جدا وفيها حاجات كتير

فيها ديك فى الفجر يدن ويصحى العصافير

والشمس لما تطلع بتصحصح النبات

والورد أحمر ملعلع على خدود البنات

حلوة الدنيا وحقيقى بتكون أحلى وأحلى

لما يضحك طريقى وأطلع وياكوا رحلة

سوا سوا سوا سوا

طايرين فى الهوا

مالين الدنيا غنى وصوصوة

كتكوت يا فصيح

صوصو فى الريح

دى الريح مراجيح

والصوصوة دوا

على شط النيل رحنا وجينا .. على شط النيل

على موج النيل خدنا فلوكة .. على موج النيل

حاسبى يا حبيبتى تميل بينا

بطلى تتشاقى يا فتوكة لا التمساح هنا مستنينا

فى النيل المصرى مفيش تماسيح

كتكوت يا فصيح

صوصو فى الريح

دى الريح مراجيح

والصوصوة دوا

ما احناش أغراب هنا يا جنينة .. ما احناش أغراب

ده أنتى عصافيرك أصحابنا .. نفس الأصحاب

شجرك بالورد مغطينا واحنا على وردك طبطبنا

وجرينا نسابق بعضينا وملينا الجو غنى وتفاريح

كتكوت يا فصيح

صوصو فى الريح

دى الريح مراجيح

والصوصوة دوا

لفينا كتير على رجلينا .. لفينا كتير

دلوقتى هنقعد نتغدى .. يلا يا عصافير

أهى لقمة خفيفة تقوينا

يا سلام يا اولاد ده لا يوم عدى

يا ما لسه الأيام هتجينا

يا ما لسه نشوف رحلات بصحيح

كتكوت يا فصيح

صوصو فى الريح

دى الريح مراجيح

والصوصوة دوا

سوا سوا سوا سوا

لقيته لقيته

لقيته لقيته لقيته

وهويته هويته هويته

****

عجبنى كلامه شبكنى غرامه

وقلبى وروحى ومهجتى هاموا

فى جنة حبه وايه غير قربه

يقول لعينيا ارتاحوا وناموا

حبيبى يا غالى شغلت لى بالى

ومهما لامونى هأقول وأنا مالى

لاغانى ولاغيته لاقانى ولقيته

لقيته لقيته لقيته

وهويته هويته هويته

****

ده غصبن عنى هواه جننى

وعاوزة اغنى واغنى واغنى

صبحت سعيدة فى دنيا جديدة

ده كل منايا ييجى يطمنى

ويبوح بهوايا ويتم هنايا

ويبقى غرامنا حكاية ورواية

ده أنا قلبى الخالى بحبه مليته

لقيته لقيته لقيته

وهويته هويته هويته

يارب توبة...........

يارب توبة توبة توبة.........
م الهوا يابا داحنا غلابه وكتير صبرنا مارحمش يابا
وتوبة توبة والله توبة.........

اه ياعذاب.......بعتوك احباب .......وفتحنا الباب......
علشان تصاحبنا .........وسنين تتعبنا.........
حرمنا وتبنا وتبنا..........وقفلنا قلوبنا.........
وتوبة توبة والله توبة.......

اه يا فراق...........اه م الاشواق.......ياما قلبي داق
م البعد كتير.......ومشيت مشاوير.....
على نار الحيرة .........والشوق والغيرة
وتوبة توبة والله توبة

اه يا جراح.........دوبنا وراح.......عايزين نرتاح
م الحب شوية......وكفاية اسية.......
ده القلب خلاص.......قال توبة يا ناس
وتوبة توبة والله توبة

لو القلوب ارتاحوا ....

لو القلوب يا حبيبى ارتاحوا كان يجرى ايه؟؟
واهل الغرام كانوا عملوا ايه؟؟
لو القلوب يا حبيبى ارتاحوا كان يجرى ايه واهل الغرام وياليلى يا عين كانوا عملوا ايه
والله ما كانوا ارتاحوا والله ولا داقوا يوم افراحه والله
كان الهوا راح فى الهوا ولا دابوا فيه اهل الهوا
لو القلوب يا حبيبى ارتاحوا كان يجرى ايه؟؟؟؟
الخصام عيشنى فيك يا حبيبى اكتر واكتر والبعاد خلى هواك يا حياتى فى القلب يكبر
والغياب خلانى اسهر لك افكر
وناديت عليك احلى ندى راح فى الفضا رد الصدا
وقالى ليه زعلانه وقالى ليه زعلانه قولت انا فى صحرا بعيده عايشه وحيده
تايهه تايهه فى بحر محبتك عطشانه والميه انت والحب انت والفرح انت
والله ما كانوا ارتاحوا والله ولا داقوا يوم افراحه والله
كان الهوا راح فى الهوا ولا دابو فيه اهل الهوا
لو القلوب يا حبيبى ارتاحو كان يجرى ايه؟؟؟؟
اهلا باى خصام من بعده نتصالح اهلا باى بعاد من بعده نتقابل
والف اهلا بالعتاب مادام هنتسااااااااااامح
الخصام جدد هوانا والبعاد اه منه يانا
لولا الخصام ما كانش حب لولا البعاد ما دق قلب
والله ما كانوا ارتاحوا والله ولا داقوا يوم افراحه والله
كان الهوا راح فى الهوا ولا دابوا فيه اهل الهوا
لو القلوب يا حبيبى ارتاحوا كان يجرى ايه؟؟

خلاص مسافر ...

خلاص مسافر مسافر مسافر
صحيت فى يوم من الايام حسيت انى يا عينى غريب حسيت بغدر الصحاب واللى
افتكرته حبيب وانا اللى ياما غنيت عالليالى فى الفرح موال والجرح موال
والصبر موال اصبح على دى الحال غريب اصبح انا غريب غريب غريب ولا حد جنبى
قريب قولت اسافر مسافر مسافر .....
وخايفه لما تسافر عالبلد الغريب تنسى انك فايت فى بلدك حبيب
مستنى باشواق تعبان تعبااان مالفراق ومولعلك شمعه نورها مستنيك وفى عيونه دمعه تمسحها بإيديك
لما تجينى تاااااانى تاااااانى تانى تانى تانى مالبلد الغريب
خلاص مسافر مسافر مسافر صحيت فى يوم من الايام حسيت ياعينى انى غريب حسيت
بغدر الصحاب واللى افتكرته حبيب ولا ده انا انا اللى ياما غنيت عاليالى فى
الجرح موال والفرح موال والصبر موال اصبح على دى الحال غريب اصبح انا غريب
ولا حد جنبى قريب قولت اسافر مسافر مسافر
وخايفه لما تسافر عالبلد الغريب تنسى انك فايت فى بلدك حبيب
مستنى باشواق تعبان تعبااان مالفراق ومولعلك شمعه نورها مستنيك وفى عيونه دمعه تمسحها بإيديك
لما تجينى تاااااانى تاااااانى تانى تانى تانى مالبلد الغريب

يومين واسافر يمكن اقابل الصبر فى سكتى يمكن الاقى الراحه فى غربتى يومين واسافر
كان نفسى اكون جنبك حبيبه حبيبه من بلدك تسهر على راحتك
تفرح لك فى فرحك وتقاسمك فى جرحك والهم تشيله عنك
لما تجينى تانى تانى تانى تانى مالبلد الغريب
يومين واسافر يمكن اقابل الصبر فى سكتى يمكن الاقى الراحه فى غربتى يومين واسافر
خايفه تلاقى ورده تحلو فى عينيك تنسانى وتميل تقطفها بايديك
وتجرحك الاشواك وتتعذب هناك هنااااااك اقطفها بايديا وما تجرحش ايديك سيب الجرح ليا وخلى الفرح ليك

خايفه تلاقى ورده تحلو فى عينيك تنسانى وتميل تقطفها بايديك
وتجرحك الاشواك وتتعذب هناك هنااااااك اقطفها بايديا وما تجرحش ايديك سيب الجرح ليا وخلى الفرح ليك
خايفه تلاقى ورده تحلو فى عينيك تنسانى وتميل تقطفها بايديك
وتجرحك الاشواك وتتعذب هناك هنااااااك اقطفها بايديا وما تجرحش ايديك سيب الجرح ليا وخلى الفرح ليك
بس ارجع لى تانى تانى تانى تانى مالبلد الغريب

خدنى معاك...
خدنى معاك ياللى انت مسافر خدنى معاك
خدنى معاك عند الحبايب خدنى معاك
خدنى معاك عند اللى غايب خدنى معاك
وحياتك يا ماشى عدى ولا تنساشى
حبيبى راح ولا جاشى
من سنين وانا صابره
عالحنين موش قادره
ولاجل خاطره مسافره
وخدنى معاك ياللى انت مسافر
خدنى معاك عند الحبايب خدنى معاك
خدنى معاك عند اللى غايب خدنى معاك
وحياتك يا جارنا يا مسافر لقمرنا
من فراقه ديارنا غابت فى بعده القمره
بكيت عليه الشجره
سألت عليه كام مره
خدنى معاك ياللى انت مسافر خدنى معاك
خدنى معاك عند الحبايب خدنى معاك
خدنى معاك عند اللى غايب خدنى معاك
والله ان قولت اعدى سبع بحور لأعدى
حتى ان تعبت ما أهدى
عدى وخدنى معاك خدنى لحبيبى هناك
ده انا واقفه بستناك
خدنى معاك ياللى مسافر خدنى معاك
خدنى معاك عند الحبايب خدنى معاك
خدنى معاك عند اللى غايب خدنى معاك
آآآآآآه...... خدنى معاك...

القلب معاك..

القلب معاك ثانية بثانية ..

لو حتى تروح أخر الدنيا

فرحته معاك أول فرحة ..

مشتاق وحياتك للتانية

ده انا قلبى معاك لو حتى تروح أخر الدنيا

*****

أنا حأبعت روحى تهيم حواليك ..

ع البعد عشان تفتن لى عليك

بتكلم مين وتبص لمين ..

فى غيابى ومين حليت فى عنيك

إياك إياك .. لأبقى مخاصماك

ده أنا قلبى معاك لو حتى تروح أخر الدنيا

*****

حأبعت لك كل دقيقة سلام ..

من ساعة ما اصحى لحد ما انام

وحأقضى اليوم من بعد اليوم ..

على فات كام يوم وفاضلك كام

بس إوعى تغيب .. يا أعز حبيب

ده أنا قلبى معاك لو حتى تروح أخر الدنيا

*****

العين بتقول لى راح أعمل إيه ..

وأنا لسه معاه وإشتقت إليه

والقلب خلاص بيقول لى خلاص ..

من بكره خلاص أنا ملك إيديه

إياك تنساه .. وتزيد له أساه

ده أنا قلبى معاك ده انا قلبى معاك لو حتى تروح أخر الدنيا اخر الدنيا.....

قدمناله

قدمناله الحب يا قلبى فوق الطاعه وفوق الواجب
قدمناله الحب يا قلبى فوق الطاعه وفوق الواجب ويا ريت عاجب
هو كمان فى الحب يا قلبى العين ما بتعلاش عالحاجب
قسمه وبخت ولازم نصبر نصبر أوى عالعين والراس
قسمه وبخت ولازم نصبر نصبر أوى عالعين والراس
ماهو مكتوب ان اللى شغلنا يطلع مشغول عنا بناس
ماهو مكتوب ان اللى شغلنا يطلع مشغول عنا بناس
قدمناله الحب يا قلبى فوق الطاعه وفوق الواجب ويا ريت عاجب
هو كمان فى الحب يا قلبى العين ما بتعلاش عالحاجب
ما بتعلاش العين عالحاجب
آآآآ ه.......

عجبانى وحاشته

عجبانى وحاشته .. وحاشته عجبانى

بحبه وهو .. وهو بيهوانى هو بيهوانى

عجبانى وحاشته .. وحاشته عجبانى

*****

بفرح بك لما تكلمنى

وبحبك مهما تغيب عنى

يا شاغلنى غرامك حيرنى

وازاى هيغيرنى زمانى

عجبانى وحاشته .. وحاشته عجبانى

بحبه وهو .. وهو بيهوانى هو بيهوانى

عجبانى وحاشته .. وحاشته عجبانى

*****

لا غناه هيغير يوم قلبى

ولا فقرك هينسينى حبى

يوم عيدى لما ألقاك جنبى

أرعاك يا حبيبى وترعانى

عجبانى وحاشته .. وحاشته عجبانى

بحبه وهو .. وهو بيهوانى هو بيهوانى

عجبانى وحاشته .. وحاشته عجبانى

حبينا بعضنا

حبينا بعضنا وبوحنا بسرنا

عقبالكوا زينا ونبقى كلنا

فى الهوا ســـــــــــوا

*****

بصيت له وقلت له .. من غير ما اكلمه

وشكيت له وبوحت له .. وقلوبنا سلموا

ودارينا حبنا لحد ما فاض بنا

أتارينا كلنا فى الهوا سوا

حبينا بعضنا وبوحنا بسرنا

عقبالكوا زينا ونبقى كلنا

فى الهوا ســـــــــــوا

*****

أيامى اتغيرت .. غيرها بنظرته

وحياتى نورت .. نورها بطلعته

والجو راق لنا من حسن حظنا

وبقينا كلنا فى الهوا سوا

حبينا بعضنا وبوحنا بسرنا

عقبالكوا زينا ونبقى كلنا

فى الهوا ســـــــــــوا

*****

القلب لو فضى .. ايه تبقى فايدته

ايامه تنقضى .. ما تحس بدقته

ياما حبوا قبلنا وحبوا بعدنا

وطلعنا كلنا فى الهوا سوا

حبينا بعضنا وبوحنا بسرنا

عقبالكوا زينا ونبقى كلنا

فى الهوا ســـــــــــوا

*****

يا دنيا والنبى .. ساحرانى بضحكتك

بس اوعى تغضبى .. وتدارى بهجتك

وخللى اللى هنا يحبوا زينا

ونبقى كلنا فى الهوا سوا

حبينا بعضنا وبوحنا بسرنا

عقبالكوا زينا ونبقى كلنا

فى الهوا ســـــــــــوا

حبينا بعضنا وبوحنا بسرنا

عقبالكوا زينا ونبقى كلنا

فى الهوا ســـــــــــوا

يا سارق من عينى النوم

يا سارق من عينى النوم ان نمت دقيقة تصحينى

يا سارق من عينى النوم ان نمت دقيقة تصحينى

وبقالى كام ليلة ويوم .. يا سارق النوم من عينى

*****

اقرا كتاب واتنين واتقلب على الجنبين

وف كل صفحة أطويها ألاقى صورتك فيها

وف كل كلمة اقراها ما افهمش ايه معناها

يا سارق من عينى النوم ان نمت دقيقة تصحينى

وبقالى كام ليلة ويوم .. يا سارق النوم من عينى

*****

احب الحب من اسمه ولا اعرف شكله او رسمه

وقلبى يدق اقول هوه وعقلى يتوه اقول هوه

احبه يا ناس واخاف منه محدش قال لى شئ عنه

يا سارق من عينى النوم ان نمت دقيقة تصحينى

وبقالى كام ليلة ويوم .. يا سارق النوم من عينى

ان فات عليك الهوى

ان فات عليك الهوى قول للهوى استنى

واسأل على انكوى فى الحب واتهنى

يا ما قلوب سلمت .. فى الحب من نظرة

ورجعت اتندمت .. على اللى جرى بكرة

وقلوب يا عينى عليها بتخبى نارها فيها

ان فات عليك الهوى

الفرح والدمع فيه .. وفيه شقاك وهناك

والورد فين تلاقيه .. خالى من الأشواك

قلبك عليه مشغول والفكر فيه على طول

ان فات عليك الهوى

اللى يصادف هواه .. الحب يهنا له

واللى انكتب له شقاه .. يحتار فى أحواله

ومهما كانت حلاوته يكفى عذابه وقساوته

ان فات عليك الهوى

أحب بكرة

أحب بكرة وأموت فى بكرة .. وأحلى بكرة فى الدنيا بكرة

ياريته بكرة كان النهارده .. والا النهاردة كان يبقى بكرة

أحب بكرة وأموت فى بكرة

*****

السعد كله من غير ما أقول له .. هيجينى بكرة

ويا قلب جرحك أنساه .. وفرحك خليه لبكرة

وأحلى بكرة فى الدنيا بكرة

أحب بكرة وأموت فى بكرة

*****

قوم يا حبيبى بقينا بكرة

يا فاطمة بدرى فين لسه بكرة

مش قادرة أصبر لحد بكرة .. يا سيدى افرض ان احنا بكرة

بقى يعنى اصحى لحد بكرة

ما هو أحلى بكرة فى الدنيا بكرة

أحب بكرة وأموت فى بكرة

*****

أوعوا تلومونى ولا تسألونى .. وابقوا تعالوا قابلونى بكرة

بكرة تشوفونى وتحسدونى .. وأنا هنايا ومنايا بكرة

قوموا حزمونى ورقصونى .. من النهاردة لحد بكرة

وسقفوا لى وقولوا لعزولى .. ان كنت راجل اطلع لى بكرة

وأحلى بكرة فى الدنيا بكرة

أحب بكرة وأموت فى بكرة

سحر عنيكى العسلية

سحر عنيكى العسلية وسمارك و الخفية

سحر عنيكى العسلية وسمارك و الخفية

حلفوا لى انك مصرية

*****

الورد النادى بيطرح .. فى خدودك لما يسلم

وعيونك دايما تسرح .. وتهيم ساعة ما اتكلم

وشبابك زهرة ندية تتفتح للصبحية

وسمارك و الخفيـة

حلفوا لى انك مصرية

سحر عنيكى العسلية وسمارك و الخفية

سحر عنيكى العسلية وسمارك و الخفية

حلفوا لى انك مصرية

*****

مصر بلدنا دى الجنة .. اللى فى وديانها الحور

واللى يشوفك يتمنى .. لو يطوى عشانها بحور

خدتى ما خليتى بقية من رقتها الخمرية

وسمارك و الخفيـة

حلفوا لى انك مصرية

سحر عنيكى العسلية وسمارك و الخفية

سحر عنيكى العسلية وسمارك و الخفية

حلفوا لى انك مصرية

*****

دى عيونك بتفكرنى .. بجمالها وسحر سماها

والخفة اللى بتأسرنى .. من نسمتها سرقاها

وعلى الشفة الوردية مكتوب الحب دا فيه

وسمارك و الخفيـة

حلفوا لى انك مصرية

سحر عنيكى العسلية وسمارك و الخفية

سحر عنيكى العسلية وسمارك و الخفية

حلفوا لى انك مصرية

ألو ألو

ألو ألو .. احنا هنا .. ونجحنا أهو فى المدرسة

بارك لنا .. وهات لنا .. وياك هدية كويسة

ألو ألو ألو .. احنا هنا

احكى له ازاى احنا تعبنا .. واخدنا ميه على ميه

وقولى له كمان ازاى جيبنا .. كل الدرجات النهائية

خدنا سؤالين فى الجغرافيا .. وجاوبنا عليهم بالعافية

سين سؤال ..

أين تقع فى الخارطة أوروبا

جيم جواب ..

تبقى على شمال كوبرى القبة

سين سؤال ..

فين صحراء مصر الغربية

جيم جواب ..

بعد الرست هاوس بشويه

وعرفنا كده كده من نفسنا .. من غير ما حد يقول لنا

ألو ألو .. احنا هنا .. ونجحنا أهو فى المدرسة

بارك لنا .. وهات لنا .. وياك هدية كويسة

ألو ألو ألو .. احنا هنا

والانكليزى ؟؟

سيبك منه .. ما تسأليش ابدا ابدا عنه

ضعيفة جدا فيه ما اعرفشى .. غير بس آى لف يو

فيرى ماتش

وأما فى النحوى وفى الصرف .. جاوبنا بالكلمة وبالحرف

سين سؤال ..

هل تعرفى كان وأخواتها

جيم جواب ..

وأعرف عماتها آآآه وخالاتها

لها أخت اتجوزت والتانية اتجهزت

لها أخت اتجوزت والتانية اتجهزت

والأخت التالتة طلبوها اتعززت

ألو ألو .. احنا هنا .. ونجحنا أهو فى المدرسة

بارك لنا .. وهات لنا .. وياك هدية كويسة

ألو ألو ألو .. احنا هنــــــــــــــــــــــا

ما تهونش عليا

ما تهونش عليا فين أروح من ذنبك

لا هتفرح بيا ولا هأسعد قلبك

ما تهونش ما تهونش

ما تهونش عليا ما تهونشى

*****

ابعد وانسانى ما ارضاش بهوانك

لا انت علشانى ولا انا علشانك

هتعذب روحك .. وتطول نوحك

وتفكر فيا .. ما تهونش عليا

ما تهونش عليا ما تهونش عليا

*****

موش أد غرامك خلينى فى حالى

وابعد أوهامك عن قلبى الخالى

ما اقدرش أحبك .. ولا اكونش جنبك

وعينيك فى عينيا .. ما تهونش عليا

ما تهونش عليا ما تهونش عليا

*****

كان كل ما بيننا حلم وننساه

حيزيد حرماننا لو نجرى وراه

أنا كنت اتمنى .. فى الحب اتهنى

لو كان بإيديا .. ما تهونش عليا

ما تهونش عليا ما تهونش عليا

ما تهونش عليا فين أروح من ذنبك

لا هتفرح بيا ولا هأسعد قلبك

ما تهونش ما تهونش

ما تهونش عليا ما تهونشى

ياحليلة يا شهر الهنا ياحليلة

مدنة جامعنا زوقوها الليلة

وولادنا عملوا في البلد هليلة

وكل بيت اتلم فيه خلانه واتلمت العيلة وعيلة العيلة

يتهنوا ويهنوا...........ويباركوا ويغنوا

ياحليلة يا شهر الهنا يا حليلة

وولاد حارتنا ربنا يحرسهم

مزقططين ومولعين فوانيسهم

اتلموا ع الناصية يقولوا ويحكوا

نور الصيام وجماله بيونسهم

والفرحة في عينيهم حكاية طويلة

ياحليلة يا شهر الهنا يا حليلة

رمضان يا شهر الخير يانور رباني

ده كل يوم بيفوت بيزيد ايماني

وادي لياليك الجميلة بتجري

وبعودة ياشهر المحبة تاني

يابو الكرم يابو ليالي جميلة

ياحليلة يا شهر الهنا ياحليلة

وحياة رب المداين

وحياة رب المداين

لأزرع رملك جناين

وأبنيلك قصر مرمر

يا بلدنا يا ست الحسن

أنا بنتك يابلدنا

وملامحك جوة دمي

شوفي أوراق ميلادنا

إسمك مكتوب ياأمي

أرجوكي سيبي روحنا

تصبح مصباح طريقك

عارفين مهما إنجرحنا

عدوك من صديقك

وحياة رب المداين

ياأرض الله ياواسعه

شعبك يامصر صانك

بره الحدود بيسعى

وبيتغرب عشانك

وبيرجع بالسلامه

يبنيلك قصر مرمر

ياصاحبة الكرامه

ياقلوب مزروعه عنبر

وحياة رب المداين

رسالة حب

بكتب جوابي من السويس

علشان حبيبي في العريش

بعد التحيه والسلام ببعت سلام

من أرضنا أرض السلام

ببعت سلام من أرضنا

حبيبي آن الأوان

نعيش حياة الآمان

والضحكه تملى الشفايف

والفرح يملى المكان

ياحبيبي

السلام ياحبيبي حلو

وإنت عارف يبقى إيه

معنى السلام

وتبقى ايه طعم الحياه

ويا السلام

ضحكة الطفل الصغير

مابين إيدين الأم تكبر

والبيوت بالحب تعمر

والصحاري زرع أخضر

والطريق بعد الظلام

بالأمل نلاقيه منور

وبالبساطه يبقى ده آخر جواب

بيني وبينك في البعاد

والبساطه لما تندهني آجيلك

وتلاقيني في الميعاد

نضحك سوا نعشق سوا

وندوب سوا في حضن الهوا

مالسويس للعريش

بقت المسافه قصيره

مالسويس للعريش

السكه خضره منوره

حبيبي آن الأوان

نعيش حياة الآمان

والضحكه تملى الشفايف

والفرحه تملى المكان

ياحبيبي

وأختم كلامي بالسلام

ومني لك ألفين سلام

من جنب أبراج الحمام

على بلدي

على بلدي بلد الأحرار

على بلدي بلد الثوار

على بلدي بلد أمي وأبويا

على بلدي بلد أختي وأخويا

ولا يغلى الغالي ...على بلدي

وكفايه يكونوا ...من بلدي

ياما قلبي زمان كان يتمنى

وأهو نال وإتمتع وإتهنى

قولوا لأحبابنا هنا الجنه

قولوا لأعادينا هنا النار

على بلد اللي أحلف بحياتها

وإيديها في إيدين إخواتها

واللي يتكلم...على بلدي

قولوا إتعلم...من بلدي

وحياة من خلاها قويه

ووهبها الوحده العربيه

لتعيش بكرامه وحريه

غصب عن عين الإستعمار

على بلدي ثورة أبطالها

ده صحيح مايجيبها الا رجالها

غاليين مايهونوا...على بلدي

وكفايه يكونوا...من بلدي

وحياة من خلاها قويه

ووهبها الوحده العربيه

لتعيش بكرامه وحريه

غصب عن عين الإستعمار

ياأم الصابرين

ياأم الصابرين...تهنا وإلتقينا

ياأم الصابرين...عالألم عدينا

مشينا وجينا ...عالألم عدينا

ياورد الحريه...يامضلل علينا

يامصر ياأمنا ...يامصر ياأرضنا

يامصر ياحبنا...يامصر ياعشقنا

من دهبك لبسني العقد... حبيبي

من نيلك سقاني الشهد ...حبيبي

من قمحك وكلني اللقمه... حبيبي

من صبرك علمني الحكمه ...حبيبي

يامصر ياأمنا ...يامصر ياأرضنا

يامصر ياحبنا...يامصر ياعشقنا

من قصصك غنالي حكايتي ...حبيبي

من وردك زوقلي مرايتي...حبيبي

من قطنك غزللي توبي... حبيبي

من أملك سطر مكتوبي...حبيبي

يامصر ياأمنا ...يامصر ياأرضنا

يامصر ياحبنا...يامصر ياعشقنا

من خيرك ميل وإداني ...حبيبي

من حبك علمني إيماني... حبيبي

من فجرك فرحني ببكره...حبيبي

يامصر ياأمنا ...يامصر ياأرضنا

يامصر ياحبنا...يامصر ياعشقنا

» كلمات أغانى شادية الوطنية
» كلمات أغانى ام كلثوم
» كلمات أغانى سعاد حسنى
» كلمات أغانى الفنانة هدى سلطان
» كلمات أغانى ليلى مراد