كلمات أغانى ليلى مراد

لا ما تغيرش

لا ما تغيرش عليٌه
لا ما تخافش عليٌه
انت في قلبي لوحدك .. انت
وكمان هنا في عنيٌه .. كمان
ماتغيرش لا .. ما تغيرش عليٌه ..

بص في عيني تلاقي
نور حبي واشواقي
واطمن وارتاح .. ارتاح
نص العمر اهو راح .. اهو راح
ما تضيعش الباقي
لا ما تغيرش عليٌه
انت في قلبي لوحدك .. انت
وكمان هنا في عنيٌه .. كمان
ماتغيرش لا .. ما تغيرش عليٌه ..

ياما هواك .. شوقني
خلا القلب سبقني
واهو دلوقت .. دلوقت معاك
غنى وقال اهواك .. اهواك
وحياتك سدقني
لا ما تغيرش عليٌه
انت في قلبي لوحدك .. انت
وكمان هنا في عنيٌه .. كمان
ماتغيرش لا .. ما تغيرش عليٌه ..

هات قلبك على قلبي
هات حبك على حبي
نرجع زي زمان
من بعد الحرمان
يا حبيبي يا حبايبي
لا ما تغيرش عليٌه
انت في قلبي لوحدك .. انت
وكمان هنا في عنيٌه .. كمان
ماتغيرش لا .. ما تغيرش عليٌه ..

م القلب للقلب رسول

من القلب للقلب رسول والحب له شرح يطول
عرفت من غير ما تقول
مهما نخبي يبان علينا حبك وحبي صورته في عينينا
والحب له ألف دليل عرفت من غير ماتقول
من القلب للقلب رسول
يا شغالني في بعادك وبقربك حبيتك وبحبك وح احبك
وزهر حبي فتّح في قلبي ولا خافش من أي عذول

عرفت من غير ما تقول من القلب للقلب رسول
ويا خوفي تنسى غرامك وتفوتني وقلبي ذليل
والاقيك ترجع في كلامك وتقول لي ده كان تمثيل
لكن بقول مش معقول
عرفت من غير ما تقول من القلب للقلب رسول

مشتقالك

مشتاقة لك يا حبيبي ألف مرة قلتها لك
من زمان وانت واحشـــني مشتاقة لك
عايزة أشوفك نفسي أقابلك
وأملا بيك عيني وأقول لك مشتاقة لك
ياللي بـُعدك مـَرّ بـَعدك
كل ثانية بجمعتين
قول لي فينك ده اللي بينك
واللي بيني خطوتين
فوت عليّ شوف عينيّ نفسها تكلم عينيك
واشــتياقي لسه باقي كل يوم يسأل عليك
يا ناسيني زاد حنيني
كل يوم بيزيد كمان
فين كلامك فين غرامك
فين ليالينا زمان
انت ناسي انت قاسي انت قلب مالوش أمان
عايزة أنسى بس لسه قلبي عايش باللي كان

مصير عقلك هيرجع

مصير عقلك هيرجع يوم لراسك
وتعرف حبى فيك كان قد ايه
وتتلوع وتستعطف وتشكي
وتتوجع وتتألم وتبكي
واقول لك وقتها اعرف خلاصك
ماهو انت الى ابتديت والبادي اظلم

سنين وايام وايام وسنين
شربت المر فيها وصابر على القسى
وقال ايه وقال ايه
بحبك
واجفانى السهاد والنوح كاويها
واكتر من كده ولا كنش عجبك
تخونك عشرتي اللى أنت ناسيها
ماهي الايام مسيرها تدور واعاتبك

واقول لك وقتها اعرف خلاصك
مهو انت اللى ابتديت ابتديت
والبادى اظلم

من بعيد

من بعيد يا حبيبي اسلم
من بعيد من غير ما اتكلم
علموني اصبر واداري
لوعتي .. واديني بتعلم
من بعيد .. يا حبيبي ..

اشتكي .. وانت بعيد عني
وانكرك .. وانتى قريب عني
اسمعو .. قلبي بيتأوه
اسألو .. واقول موش هوا
بين عذابي .. وابتسامي
قد ايه قلبي بيتألم
من بعيد .. يا حبيبي ..

منايا في قربك

منايا اغمض .. وافتح عينيٌه
الاقيك يا روحي .. بتسأل عليٌه
وامتى تفكر .. ياروح قلبي فيٌه
واشوف نفسي جنيك
دا شيء موش بعيد .. موش بعيد ..

ياما منايا اكون بين ايديك
وتسأل عنيه .. يا روحي عينيك
لا تكذب عليه .. ولا اكذب عليك
ولا اكذب عليك ..
واشوف نفسي جنيك
دا شيء موش بعيد .. موش بعيد ..

منايا تقولي .. عـ الي بضميرك
عشان بدي اعرف .. مصيري ومصيرك
تطمن فؤادي الليله .. أه موش لغيرك
واشوف نفسي جنيك
دا شيء موش بعيد .. موش بعيد ..

مين يشتري الورد

مين يشتري الورد مني
وأنا بنادي واغني
الورد ده نادي خد منه وهادي
انت يا اللي الناحية دي
وانت يا اللي قصادي
مين يشتري الورد مني
دي وردة بيضا صفو الوداد فيها
ودي وردة صفرا الغيرة تضنيها
ودي وردة حمرا بالدمع أرويها
الوردة دي سر غرامي
حكيت لها عن أحلامي
خدها مني
مين يشتري الورد مني

يا اعز من عيني

يا اعز من عيني .. قلبي لقلبك مال
شارياك وشاريني .. وش يعملوا العذال
يا اعز من عيني ..

دا اللي مالوهش حبيب .. ما تشوف عيونه ضي
يقضي عمره غريب .. لا له وطن ولا حي
واللي ما طالش نصيب .. في الحب ما طال شي
يا اعز من عيني ..

الحب دا كلمه .. حلوه فهمناها
والحب دا نعمه .. غاليه وصناها
والحب دا قسمه .. عشنا ونلناها ..
يا اعز من عيني .. قلبي لقلبك مال
شارياك وشاريني .. وش يعملوا العذال
يا اعز من عيني ..

الحب كان لنا فين .. جانا في غمضة عين
صاب قلبنا الاثنين .. ما عرفنا جانا منين
تسلم يانور العين .. من الفراق والبين
يا اعز من عيني ..

يا طيب القلب

يا طبيب القلب بقيت حبيب القلب
يا فايتني ونسيتني ما داويتني
من عذاب القلب
عينيّ فيها كلام آه لو قريته
وف قلبي شوق وغرام ياما داريته
يا طيف جميل في منام وصحيت لقيته
خلتني أحب آلامي عشان تكون قدامي
يا فايتني ونسيتني..
حيرتني في هواك ليلي ونهاري
يللي الدوا ويـّاك ولا انت داري
من كل قلبي أهواك وغلبت أداري
دي كلمة منك ليّ ترد روحي فيّ
يا فايتني ونسيتني...
صبرت عالحرمان و النوم جفاني
وجرح حبك كان سبب هواني
مابقاش في قلبي مكان لجرح تاني
قول لي احبك قول وخلي عمري يطول

يا فايتني ونسيتني ما داويتني
من عذاب القلب

يا مسافر وناسي هواك

يا مسافر وناسي هواك ,, ريداك والنبي رايداك
رايداك والنبي ,, والنبي رايداك

احلفلك بدمع العين ,, زلا لكش علي يمين
ان فاتت علي سنين ,, ح افتكرك ولا انساك
ريداك والنبي رايداك ,, رايداك والنبي ,, والنبي رايداك

تسألني صحيح حبيت ,, لا جاوبتك ولا خبيت
ياريت الكلام ياريت ,, وفائي وباح بهواك
ريداك والنبي رايداك ,, رايداك والنبي ,, والنبي رايداك

احكيلو ياموج مطروح ,, ع القلب اللي بات مجروح
من فرقة حبيب الروح ,, روح قولو دا قلبي معاك
ريداك والنبي رايداك ,, رايداك والنبي ,, والنبي رايداك

يا مين يقولك

يـا مين يقول لك ازاي حياتي وازاي باعيشها
ويا مين يقول لي ازاي حياتك وازاي عايشها
وازاي حالك في الدنيا بـَعدي
وا زاي حالها ويـّاك في بـُعدي
شاغل خيالك ايه ؟ ليلك نهارك ايه
يا مين يقول لي ويا مين يقول لك
أجمل ليالي قضيتها جنبك
فين انت قول لي وفين الليالي
راحت بقربك وفاتت لي حبك
آه من الليالي ما لهمش غالي
راحوا بهنايا.. راحوا بآمالي .. راحوبغرامنا
وباعيش حياتي على وهم صدفة تجمع ما بيننا
ارجع لي خدني من ألف صورة في دموع عينيّ
ارجع لي خدني من ألف حاجة بتهدّ فييّ

أيامي بعدك وقفت بعمري
لاهي قادرة ترجع ولا عايزة تجري
في اللحظة اللي افترقنا فيها
نهر الليالي بيصب عمري
من يوم بعادك والشوق بقلبي سارح بناره
عَـمّال بيحرق في صبر قلبي ليله ونهاره

أشواق عنيدة بتدق قلبي
من كل ناحية أشواق عنيدة
وبنار جديدة بتصحّي جرحي
في كل لحظة في نار جديدة
وتاخدني مـَرة لأيام بعيدة حلوة وحبيبة
وتيجبني تاني لأيام قريبة مـُرة وغريبة
ارجع لي خدني ...........

ياحبيب الروح
يا حبيب الروح فين ايامك وحشتني ووحشني خصامك
يا حبيب الروح فين ايامك
ايامك الحلوة اللي فاتتني يا ريت كان عمري اقصر منها
لكن الايام جت سبقتنى وانا اللي صبحت بعيد عنها
لا انا طايلة عطفك وحنانك ولا طايلة حتى حرمانك
يا حبيب الروح فين ايامك
يا حارمني من عز هناي شوف حالى باين فى عيني
ان كنت قريب ابكي معاي وان كنت بعيد ابكي علي
انده لي حتى فى منامك تلاقيني عروسة احلامك
يا حبيب الروح فين ايامك
انت اللي قدرت تفرحني وانت اللى عرفت تبكيني
دلوقتي لا فرح بيسعدني ولا دمعة بتريح عيني
ما يفرحنيش غير ايامك ولا يسعدنيش الا كلامك
يا حبيب الروح فين ايامك

ياريتني انسى الحب

يا ريتني انســــــــى الحب يا ريت
وان عدت اكون على روحي جنيت
الحب فية ايه غير النوح ده في امل لكن في خيال
وفيه ضنى وتعذيب للروح وف كل يوم له حكم وحال
وان عدت اكون على روحي جنيت
يا ريتني انــــــــسى الحب يا ريت
رميت بقلبي في الاوجاع وعمري ضاع كله ف احلام
ولقيتها بعد الذل خداع وقلت اصبر على الايام
وان عدت اكون على روحي جنيت
يا ريتني انــــــــسى الحب يا ريت
ورد الهوى بدمعي رويته لحد ما فرّع غصنه
ولـــما خان اللي هويته بانت لقابي شوك منه
وان عدت اكون على روحي جنيت
يا ريتني انـــــــسى الحب يا ريت

ياسارقني برموش العين

يا سارقني برموش العين
وشايلني بإيديك الاتنين
ماتقول لي راحين على فين
يا سارقني برموش العين
أنا خايفة لا ما أصيبش هواك
في الناحية اللي ح روحها معاك
لو ترجع وتفوتني هناك
رح لاقي اللي يشلني منين ؟
أنا قلبي عمره ما انصاد
طول عمره يخاف الصيّاد
جيت انت من غير ميعاد
دحلبته بعينيك الاتنين
يا مراكبي صيدك ويّـاك
والمركب آهي سايرة معاك
والدفّة أهي وفق هواك
ما تقول لي الشط منين

ياقلبي مالك كده حيران

يا قلبي مالك كده حيران
حيـّرت أفكاري ويـّاك
فضلت خالي من الأشجان
تميل و تهجر زي هواك
علشان ما بيّن لك ودّه
وبان في عينه دليل الميل
تفضل تفكر فيه وحده
و تشوف خياله طول الليل
اوعى يا قلبي تلين لهواه
وترضى بالتعذيب و تميل
ده كل اللي من سلّم قلبه
يقضـّي طول العمر ذليل

يالله تعال قوام

يالله تعالَ قوام يالله ده انت واحشني كتير والله
يالله يالله تعالَ قوام يالله يالله تعالَ قوام يالله

ما اعرفش ايه اللي ف قلبك احترت معاك
اللي اعرفه اني بحبك واتمنى رضاك
تعالَ لي قوام ده البعد حرام
يالله تعالَ قوام يالله
ده انت واحشني كتير والله
ايام تفوت يوم ورا ليلة اصحا واحــلم في خيالك
والــدنيا حــلوة وجميلة واحلى من الدنيا جمالك
تعالَ لي قوام ده البعد حرام
يالله تعالَ لي قوام
ده البعد حرام يالله تعالَ قوام يالله

ايه ياترى مقسوم لي معاك واللي انكتب لي ويـاك
يــا هل ترى هافرح بهواك ولا هواك كله اشواك
تعالَ لي قوام ده البعد حرام
يالله يالله تعالى قوام يالله

ياما ارق النسيم

ياما أرق النسيم ، لما يداعب خيالي
خلاني وحدي أغيب ، واسبح في وادي ألاماني
الجو رايق وصافي ، والبحر موجه يواقي
طلب الحنين للبر ، والبر عنه بعيد
فضل يزين في البحر، والشوق في قلبه يزيد
ولما جي الشط الهادي ، ريح جنبه
ووشوش الرمل النادي وشكى غلبه

أحييك على نشاطك
أثريت المنتدى بكلمات أغانى ليلى مراد
الصوت الذى أمتعنا سنين ومازال يمتعنا

شكرا لك حبيب الكل علاء الدين الجميل الرائع مديرنا الكبير

جنة النعيم كتب:: أحييك على نشاطك
أثريت المنتدى بكلمات أغانى ليلى مراد
الصوت الذى أمتعنا سنين ومازال يمتعنا

شكرا لك حبيب الكل علاء الدين الجميل الرائع مديرنا الكبير

والله النشاط دا من بعض ما عتدكم يا جنة

ربنا يخليكي يا أروع مديرة وأجمل جنة

وأرق تحياااااااااااتي

» سجل حضورك بجمله من أغانى ليلى مراد
» ليلى مراد
» صور الجميلة ليلى مراد
» كلمات أغانى شادية
» أغنية الفن بصوت ليلى مراد