كلمات أغانى شادية الوطنية

الجيل الصاعد

عاش الجيل الصاعد..... عاش
جيل من شعب مجاهد.... عاش
عاش يبني ويجاهد.... عاش بكفاحه الخالد
راجل واحد..... مبدأ واحد ...... عاش جيل ثورتنا عاش

وردة :

عاش الجندي يو ما حطم شوكة الاستعمار
كان عنوان النصر الثوري في كل بلد احرار
وسمعناه بيقولها قوية..... باسم مبادئ امة ابية
انا خط هجوم ودفاع .... انا رمز سلام وصراع
افدي بالروح واعيش ... في النصر بطل وشجاع
حيوا معايا ..... قولوا معايا........ عاش الجندي العربي عاش

نجاة :

عاش الزارع يوم الشمس ما حست بيها عنيه
فرشت نورها وكبر الزرع وهو مداري عليه
وسمعناه بيقولها قوية .....ارض ولادي ورجعت ليا
حرمونا سنين وسنين ....وافتكروا الناس نايمين
وطلعنا عليهم يوم..... خلصنا حقوق ملايين
حيوا معايا.... قولوا معايا..... عاش فلاح الثورة عاش

عبد الحليم :

عاش الفن رسالة لامة يبنيها الفنان
يروي حياتها بغنوة بكلمة بصورة بروح وايمان
وسمعناه بيقولها قوية.... مجد بلادي عهد عليا
قلبي وروحي ملك لفني والاتنين لبلادي هدية
حيوا معايا ...قولوا معايا... عاش الفن رسالة عاش

فايزة احمد :

عاش العامل يوم ما فكر يبني لبلده دار
فيها مداخن طالع منها لهب النور والنار
وسمعناه بيقولها قوية...... ده انتاجي وصنع ايديا
حققنا بعون الله...... للشعب دعاه ومناه
والخير زاد منا وفاض..... والفايض صدرناه
حيوا معايا.......قولوا معايا...... عاش عاش العامل عاش

شادية :

عاش الطالب يوم ما طلب العلم كتاب وسلاح
عرف العلم وسيلة تحقق غاية كل نجاح
وسمعناه بيقولها قوية...... في الاعدادي وفي الكلية
العلم سلاح جبار.....بيحول ليلنا نهار
يسعى للنور بالنور...... ويواجه النارب النار
حيوا معايا...... قولوا معايا......عاش الجيل الصاعد عاش

عبد الوهاب :

عاش الشعب العربي كله شعب سلام وامان
عاش الوعي العربي كله ثورة في كل مكان
ثورة مارد للحرية.....هب ونادى للقومية
ردينا عليك يا جمال...... وايدينا في ايديك يا جمال
وقلوبنا معاك يا جمال ...... نبني وياك يا جمال
حيوا معايا ....قولوا معايا..... عاش عبد الناصر عاش

الوطن الاكبر
وطني حبيبي الوطن الاكبر يوم ورا يوم امجاده بتكبر
وانتصاراته مايه حياته وطني بيكبر وبيتحرر وطني وطني

عبد الحليم :

وطني يا مالي بحبك قلبي وطني يا وطن الشعب العربي
ياللي ناديت بالوحدة الكبرى بعد ما شفت جمال الثورة
انت كبير واكبر كتير من الوجود كله من الخلود كله يا وطني

صباح :

حلو يا مجد يا مالي قلوبنا حلو يا نصر يا كاسي رايتنا
حلوة ياوحدة يا جامعه شعوبنا حلوة يا احلى نغم في حياتنا
يانغم ساري بين المحيطين بين مراكش والبحرين
في اليمن ودمشق وجده نفس الغنوة لاجمل وحدة
وحدة كل الشعب العربي

فايدة كامل:

قوميتنا اللي بنحميها اللي حياتنا شموع حواليها
جنة بتضحك للي يسالم وجحيم ثاير على اعاديها
شوفوا بيروت بعد العدوان الاستعمار فين والطغيان
قدر الشعب وقوته سادت وبورسعيد حكايتها اتعادت
عاش وانتصر الشعب العربي

شادية :

وطني يا اغلى وطن في الدنيا وطني يا قلعة للحرية
انت الباني مع البانيين وانت الهادم للعبودية
الصوت صوتك حر وعربي مش صدى شرقي ولا صدى غربي
ياللي ترابك كحل لعيني ياللي هواك عطره بيحييني
انت حبيبي يا وطني العربي

نجاة :

وطني يا جنة الناس حاسدينها على امجادها وعلى مفاتنها
ياللي قنالك رجعت ملكك وانت لخير الدنيا صاينها
علي السد وخد من خيره صنع وازرع وابني في نوره
ياللي علاك في قلوبنا عبادة يا وطن كل حياته سيادة
وطن العزة الوطن العربي
وردة :

وطني يا ثورة على استعمارهم املا جزايرك نار دمرهم
لو نستشهد كلنا فيك صخر جبالنا راح يحاربهم
الاستعمار على ايدنا نهايته راح م الدنيا زمانه ووقته
لا في الجزاير ولا في عمان تهدا الثورة على الطغيان
الا بنصر الشعب العربي

عبد الحليم :

وطني يا زاحف لانتصاراتك ياللي حياة المجد حياتك
في فلسطين وجنوبنا الثائر حنكمل لك حرياتك
داحنا وطن يحمي ولا يهدد احنا وطن بيصون ما يبدد
وطن المجد يا وطني العرب

فجر جديد
المجموعة:
فجر تلاته وعشرين يوليه..... اول فجر حقيقي طلع على بلدي الحره
فجر تلاته وعشرين يوليه..... احلى بشير مع نور .......الثورة
الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

شادية :

عد يا مجد سنين ثورتنا وافخر بينا
اول سنة روح حريتنا ردت فينا
اتحررنا من العبودية والانتهازية
واتنسمنا هوا الحرية لما حيينا

كورس : الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

نجاة :

تاني سنة قلنا لا رجعية ولا سلبية
وقطعنا مراحل ايجابية بروح ثورية
وجمعنا صفوفنا الشعبية في وحدة قوية
وباعلان الجمهورية رجعت لينا

الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

فايزة احمد :

تالت سنة بدات صناعتنا حديد مع صلب
والفلاح نصفته حكومتنا وراح الغلب
كان ده سياستنا الداخلية وفي الخارجية
اصبحنا دولة حيادية ميه المية

الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

فايدة كامل :

رابع سنة كبرت ثورتنا الاجتماعية
وبدينا نعزز قوتنا الحربية
وبقى لنا اصحاب وحبايب في بلاد تانية
وساهمنا في السلم بنايب نفع الدنيا

الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

وردة :

خامس سنة اممنا قنالنا لمستقبلنا
وواجهنا العدوان ببطلنا عبد الناصر
كلنا كنا وراه بنحارب ضد الغاصب
وطلعنا الاخر بمكاسب مالهاش اخر

الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

شادية :

سادس سنة تمت نصرتنا على اعادينا
واخترنا مجلس امتنا من اهالينا
ودخلنا حرب اقتصادية وبوطنية
حققنا كفاية محلية بتكفينا

الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

نجاة :

سابع سنة اسيا وافريقيا اتجهم لينا
وبقى لنا روابط حقيقية مع بعضينا
جمعنا شمل القومية وبقت وحدة
بالجمهورية العربية المتحدة

الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

فايزة احمد :

تامن سنة فرضت ارادتنا في عز بلادنا
ودهشنا الدنيا بعزيمتنا واستعدادنا
وملينا بلادنا بمصانع جنب مزارع
وبقى الصانع ويا الزارع هما عمادنا

الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

فايدة كامل :

تاسع سنة جت بانتصارات للاجيال
واتفتحوا مجالس الادارات للعمال
والقوانين الاشتراكية نورهم لاح
بالخمسة وعشرين في المية م الارباح

الله اكبر ..ثورة مباركة..... الله اكبر ... نصر الحركة
بابطال سته وعشرين يوليه

وردة :

عاشر سنة واحنا في سكتنا ورا امانينا
بميثاق نابع من امتنا مننا فينا
والمستقبل مستنينا نعمل اكتر
نبني ونعلى ونقوى ونكبر نقوى ونكبر

المجموعة

نكبر ونكبر حضارتنا ونجدد امجاد عروبتنا
دايما على مبدأ ثورتنا.... ثورة 23 يوليه

قولو لمصر تغني معانا
ولوا لمصر تغني معايا في عيد تحريرها
تم النصر وصبحت حرة بايد احرارها
وبعزة ابطالها تحيا ويحيا رجالها قولوا قولوا

عبد العزيز محمود وشادية :

كان اليوم ده امل من امتى بنتمناه
حلم وعشنا سنين على نوره بنستناه
صبح الحلم حقيقة وعلم ولا محتل دخيل ولا ظلم
وبعزة ابطالها تحيا ويحيا رجالها قولوا قولوا

سعد عبد الوهاب وفايدة كامل :

من باندونج صارحنا الدنيا بصوت جبار
مش للغرب ومش للشرق لكن احرار
جهادنا جهاد عرب وحياد من مراكش الى بغداد
وبعزة ابطالها تحيا ويحيا رجالها قولوا قولوا

محمد عبد المطلب :

قولوا لعرابي اخدنا بتارك م اللي خانوك
خرج الغاصب اللي شرانا من اللي باعوك
واللي باقي لنا نخلص تارنا في فلسطين وديار عروبتنا
وبعزة ابطالها تحيا ويحيا رجالها قولوا قولوا

عبد الغني السيد:

الاستعمار اللي احنا قاسينا منه سنين
وباعوانه اتحكم فينا دنيا ودين
زالوا وزال واتبدل الحال. واتحررنا بايد احرار
وبعزة ابطالها تحيا ويحيا رجالها قولوا قولوا

محمد عبد الوهاب :

ياللي بنيت الهرم الرابع وبنيت جيل
هرمك نهضة وجيش ومصانع تحمي النيل
رمز كفاحنا سر نجاحنا نفدي وراك مصر بارواحنا
وبعزة ابطالها تحيا ويحيا رجالها قولوا قولوا

المجموعة :
قولوا لمصر تغني معايا في عيد تحريرها
تم النصر وصبحت حرة بايد احرارها
وبعزة ابطالها تحيا ويحيا رجالها قولوا قولوا

صوت الجما هير

صوت الجماهير صوت الجماهير صوت الجماهير
هو اللي بيصحي الاجيال
صوت الجماهير صوت الجماهير صوت الجماهير
هو انتفاض عزم الابطال
هو اللي بيتكلم ........ هو اللي بيتحكم..... هو البطل ورا كل نضال

محمد عبد الوهاب :

من عهد ادم والظلم حاول ... يعادي دايما شمل القلوب
والشعب دايما كان صوته عالي... والنصر دايما كان للشعوب
وتاريخ كل نضال..... على مر الاجيال
يبتدي من همسات بترج اهات الظلم في كل ضمير
وانتصرت خطوات... وانطلقت صيحات
تفضل تكبر تفضل تعلا لحد ما يبقى صوت الجماهير
صوت الجماهير صوت الجماهير

نجاة :

واليوم بنجني ثمار جهادنا .... والخطوة قايدة عزم وثبات
في كل خطوة ملايين بتبني ... اجيال طويلة بالمعجزات
واتقابلوا الملايين...... يوم تلاته وعشرين
يوم لشعب العربي ما فجر اول ثورة للتحرير
اتعاهدوا الثوار...... واتفقوا الاحرار
يبنوا طريق العزة وحطوا ايديهم في ايدين الجماهير
صوت الجماهير صوت الجماهير

شادية :

بطل العروبة رسم حروفها..... خطوط عريضة فوق الطريق
اهلا ومرحب بكل عربي ......يمد ايده لاخوه الشقيق
اهلا بالابطال...... صناع الاجيال
ياللي الوحدة الام طريقكم خلوا بقية الركب يسير
سيروا بعون الله...... واسعوا بامر الله
غير الله ما في قوة حتوقف من تيار زحف الجماهير
صوت الجماهير صوت الجماهير

فايدة كامل :

باسم اتحادنا قوم يا كفاحنا.... قول للصهاينة المعتدين
راية العروبة عرفت نجومها.... من عام تمانية واربعين
حطمنا الاصنام...... ومحينا الخدام
مابقاش فينا عميل بيردد صوت اسياده على المزامير
خط النار موصول...... والجماهير بتقول
دقت ساعة العمل الثوري في فلسطين باسم الجماهير
صوت الجماهير صوت الجماهير




فايزة احمد :

يادولة كبرى فرضت وجودها.... فداكي ياما ضحى شباب
شهيد حياتك عرف النهاردة.... ماراحش دمه تحت التراب
عهد على الملايين....... عهد بالف يمين
نحمي تراب ارضك يا جزاير ونحوش عنه بحب كبير
عهد على الملايين...... عهد بالف يمين
عاش النصر في ارض اليمن الحرة وعاش صوت الجماهير
صوت الجماهير صوت الجماهير

عبد الحليم حافظ :

ياشعوبنا الحرة يا عربية كافحي وزيدي ثبات وعناد
وان كان فيه للغدر بقية نار الغدر حطابها رماد
نار بتصحينا نار بتقوينا مهما اتامروا علينا مبادءنا بتحمينا
مابقاش فيه مخدوع..... بابتسامات ودموع
توب الغدر بيفضح نفسه حتى ولو ملفوف بحرير
خط السير معلوم .... وطريقنا مرسوم
هو الوحدة والاشتراكية والاتنين هدف الجماهير
صوت الجماهير صوت الجماهير

بلد الاحرار
على بلدي بلد الأحرار
على بلدي بلد الزوار

على بلدي بلد أمي وأبويه
على بلدي بلد أختي وأخويه
ولا يغلى الغالي على بلدي
وكفاية يكونوا من بلدي
ياما قلبي زمان كان يتمنى
وأهه نال وإتمتع وإتهنى
قولوا لأحبابنا هنا الجنة
قولوا لأعادينا هنا النار

على بلدي اللي أحلف بحياتها
وإيديها في إيدين إخواتها
واللي بيتكلم على بلدي
قولوله إتعلم من بلدي
وحياة من خلاها قوية
ووهبها الوحدة العربية
لتعيش بكرامة وحرية
غصب عن عين الإستعمار

على بلدي ثورة أبطالها
ده صحيح ما يجيبها إلا رجالها
غاليين مايهونوا على بلدي
وكفاية يكونوا من بلدي
بلدي اللي الدنيا تقدرها
وتهز العالم اخبارها
واللي مايعرفش مقدارها
مش راح نعرف له مقدار

على بلدي بلد الأحرار
على بلدي بلد الثوار

عدينا يامعاداوي

عدينا يامعداوي***ماكفايه الوقفه سنين
وصبرنا ياريس ياما***وطول بينا الحـــنين
دي كلمه واحده منك ونعدي ل?لسطين
الله الله الله أكبر***هنعدي بالملاييـــــن

هلا هالله هلا هالله أهو جه وقت الكفاح
هلا هالله هلا هالله***ويامرحب بالسلاح
هلا هالله هلا هالله***وحياتك انت واللـه
ولاحبة رمله والله***هنفرط فيهاو اللـــه
وان جابوا حتى مين

عدينا يامعداوي***ماكفايه الوقفه سنين
وصبرنا ياريس ياما***وطول بينا الحـــنين
دي كلمه واحده منك ونعدي لفلسطين
الله الله الله أكبر***هنعدي بالملاييـــــن

هيلا هيلا هيلا هيلا***مابقاش وقت لكلام
هيلا هيلا هيلا هيلا***راجعين بر الســلام
هيلا هيلا هيلا هيلا***راجعين والكل عيله
ولاحبة رمله والله ***هنفرط فيهاو اللـــه
وان جابوا حتى مين

عدينا يامعداوي***ماكفايه الوقفه سنين
وصبرنا ياريس ياما***وطول بينا الحــن

الاولة مصر
لاولة مصر عالية في المقام بيننا وحسنها آية
والتانية مصر هي الاصل و الأنة والقصد والغاية
والتالتة مصرهي الفضل والمنة و الدنيا نساية
قول يابا ويايا ويايا الاولة مصر
***المجموغة

الاولة والتانية والتالتة مصر
والرابعة والخامسة والسادسة مصر


طول الزمان
وفي كل آن
نادى المنادي مع الآدان
الاوله اه مصر

هوي ياهوي

هوا يا هوا ياللي انت طاير
هات لي يا هوا وياك بشاير

ميل يا هوا على طريقنا
وافرد قلوعك فوق السفاين
عطر يا هوا بالحب بيتنا
وابدر زهورك على المداين
بلغ رسايل وهات رسايل
بكرة يا قلبي تهنى الليالي
هوا يا هوا ياللي انت طاير
هات لي يا هوا وياك بشاير

رفرف يا هوا بجناح زيتوني
فتح ياهوا ورد الجناين
كتر ياهوا طرح الليموني
تبقي جنينتنا احلى الجناين
دي الميه هالة والفرحة طالة
ويا البشاير دا السد عالي
هوا يا هوا ياللي انت طاير
هات لي يا هوا ..هات لي وياك بشاير

بارك يا هوا سهر الليالي
يا بنا ابني دا المجد طالع
لابدر يا هوا عمري تقاوي
تطرح بشاير دا النصر غالي
هوا يا هوا ياللي انت طاير
هات لي يا هوا ..هات لي وياك بشاير

مصر اليوم في عيد
ياللي من البحيرة وياللي من أخر الصعيد
ياللي من العريش الحرة أو من بور سعيد
هنوا بعضيكم وشاركوا جمعنا السعيد
سينا رجعت كامله ليناومصر اليوم في عيد

ألف ميت مبروك علينا بالسلام
حقنا عاد بين ايدينا بالتمام
وأحنا حنصونوا في عينينا ع الدوام
أصل مافي ع الاراده أي شئ بعيد
سينا رجعت كامله لينا ومصر اليوم في عيد

ليل نهار عاهدوني نبني ليل نهار
علشان مصر بلدنا تبقى في ازدهار
نبني ونحولها جنه بالعمار...
والامان ضليله فوقنا وكل ايد في ايد
سينا رجعت كامله لينا ومصر اليوم في عيد



بكرة أحلى م النهارده.
.بكرة ياجيلنا الجديد
تحصدوا خير مازرعنا..
.والجميع يسعد أكيد
مصر علشان تقوى بينا
لازم الانتاج يزيد
والكلام مش وقته خالص العمل هوالمفيد
سينا رجعت كامله لينا ومصر ليوم في عيد

وحياة رب المدائن
وحياة رب المداين
لأزرع رملك جناين
وأبنيلك قصر مرمر
يا بلدنا يا ست الحسن

أنا بنتك يابلدنا
وملامحك جوه دمي
شوفي أوراق ميلادنا
اسمك مكتوب يا أمي
أرجوكي سيبي روحنا
تصبح مصباح طريقك
عارفين مهما إتجرحنا
عدوك من صديقك
وحياة رب المداين
لأزرع رملك جناين
وحياة رب المداين


يا أرض الله ياواسعة
شعبك يامصر صانك
بره الحدود بيسعى
وبيتغرب عشانك
وبيرجع بالسلامة
يبنيلك قصر مرمر
يا صاحبة الكرامة
يا قلوب مزروعة عنبر
وحياة رب المداين
لأزرع رملك جناي

مصر نعمة ربنا

صر نعمة ربنا مصر غنوة حبيتا
مصر عاشت قبلناومصر باقية بعدينا


مصر ضل وبيت وارض
مصر اهل وناس وعرض
مصر دنيا ودين وفرض
مصر معني وروح ونبض
مصر حب....... مصر قلب....مصر ام....مصر اب

لو في يوم النور يغيم. نور ايمانك شمسنا
لو ضلام الليل يخيم صوت ادانك نجمنا
لو يضيع الفجر منا تحت رايتك فجرنا
لو يغيب البدر عنا نور هدايتك بدرنا

يحميكي الاله يا ام الحياة
وتعيشي بولادك مرفوعة الجباه
يفديكي شهيدك. تحييكي دماه
وفي لحظة وداعك اسمك ع الشفاه

ودينا ودي ودينا

ادينا وادي وادينا....... وادي قلوبنا وايادينا يا بلادي
ولاحد غيرنا عدانا..... ولا حد غيرك يهدينا يا بلادي
وادينا وادي ماضينا وبكرة بينادي علينا يا بلادي
ياما الزمان اتحدانا...
وللزمان اتصدينا...
وادي الخطاوي واخدانا.....
على بر سينا ورسينا.........
ليكي السلام منا يا سينا يا بلادي

وادينا وادي وادينا....... وادي قلوبنا وايادينا يا بلادي

وادينا وادي ليالينا ونجومها تنده لعينينا يا بلادي .
وادي غنانا واحلامنا...
بيهونوا السكة علينا...
خطاوينا تسبق ايامنا...
وقلوبنا تحضن امانينا.....
والخير يسابق خطاوينا يا بلادي.

وادينا وادي وادينا....... وادي قلوبنا وايادينا يا بلادي


ولاحد غيرنا عدانا..... ولا حد غيرك يهدينا يا بلادي

البحر الابيض

البحر الابيض بيغني
والبحر الاحمر بيغني
بيقولوا رجعنا لبعضينا
وحنسهر تاني ليالينا
على ضي القمرة الفضية
ومراكب عز معدية
ومراكب عز مهديه
وحشتها الميه والمينا

البحر الابيض بيغني
والبحر الاحمر بيغني
بيقولوا رجعنا لبعضينا
محلاها الراية العربية
مرفوعة الهامة وابية
بتضلل عالبورسعيدية
وترفرف ع الاسماعيلية
وتضوي فوق .
على ضي الشمس الدهبية
ومراكب عز معدية
ومراكب عز مهدية
وحشتها الميه والمينا

البحر الابيض بيغني
والبحر الاحمر بيغني
بيقولوا رجعنا لبعضين
ياسلام على بكرة ياسلام على بعده
والسعد اللي الشعب مواعده
لما المشاريع كلها تكمل
حنشوف ايام احلى واجمل
وحتبقى حياتنا كتير اسهل
ونعيش احلامناالوردية
ومراكب عز معدية
ومراكب عز مهدية
وحشتها الميه والمينا

البحر الابيض بيغني
والبحر الاحمر بيغني
بيقولوا رجعنا لبعضين

سحر عنيك العسلية

سحر عجميل العسلية وسمارك والخفيه
حلفولي انك مصرية

الورد النادي بيسرح في خدودك لما يسلم
وعيونك دايما تسرح وتهيم ساعة ما اتكلم
وشبابك زهرة ندية بتفتح للصبحية
وسمارك والخفية حلفولي انك مصرية

مصر بلدنا دي الجنة اللي في وديانها الحور
واللي يشوفك يتمنى لو يطوي عشانها بحور
خدتي ما خليتي بقية من رقتها الخمرية
وسمارك والخفية حلفولي انك مصرية

دي عيونك بتفكرني بجمالها وسحر سماها
والرقة اللي بتأسرني من نسمتها ***اها
وعلى الشفة الوردية مكتوب الحب ده غية
وسمارك والخفية حلفولي انك مصرية

ضربة معلم
ضربة معلم تسلم ايده
وربنا يقويه ويزيده.
عرف صحيح ازاي يضربها.
والعركة امتى وفين يكسبها
لشعب بيحبه وبيريده
وربنا يقويه ويزيده.
ضربة معلم معلم&& تسلم ايده تسلم ايده

ضربة معلم يوم ثورتنا
رفعت امتنا
ردت كرامتنا
بدأت نهضتنا
ورفرفت ع الدنيا رايتنا
تحكي لها اهدافنا ورسالتنا
ويفرح الشعب في يوم عيده
وربنا يقويه ويزيده
ضربة معلم معلم&& تسلم ايده تسلم ايده.....

ضربة معلم قلبه علينا.
نفديه بعنينا
و بفضله بنينا
سدنا بايدينا
وزي ما اتمنينا بقينا
ودوسنا اعدانا برجلينا
والنصر كل شوية نعيده
وربنا يقويه ويزيده
ضربة معلم معلم&& تسلم ايده تسلم ايده

ضربة معلم عاش لبلاده.
يحميها جهاده
ويصونها حياده
وتموت حساده.
دا كان ميلاد المجد ميلاده
وكان ميعاد النصر ميعاده
وعدنا بيه ووفى بمواعيده
وربنا يقويه ويزيده
ضربة معلم معلم&& تسلم ايده تسلم ايده

لما كنا زمان كتاكيت

مرة لعبت في عود كبريت
قاموا ضربوني وأنا عيطت
دادا جت تحكي حواديت
عن غولة وثلاث عفاريت
وتهشتكني وتقول سد
طول الليل وأنا هات يا صويت
واللي يشوف جنبه عفريت
طبعاً مش معقول ينسد

فين دلوقتي لما ابن أختي إمبارح قطع شنطة أخوه
ماما وبابا زعلوا منه راحوا السينما وهوه سابوه
رحت أصالحه و شلت بإيدي دموعه اللولي من الخدين
بعد شويه الضحكة الحلوة نطقت في عيونه الحلوين
عارفين أنا سكته بإيه
وعنيه ضحكوا قوي كده ليه

أصلي حكيت له حكاية بجد
حصلت لما رحنا نزور
بلد السد أبو باب مسحور
اللي بيبني الهوا والنور
واللي حيروي الأرض البور
بلد الخير وبلد السعد
***

واحد من اللي كانوا زمان
بيحاربونا مع العدوان
يوم ما قفلنا الشركة اياها
وشحناها على أسوان
شفته هناك كان فاتح بقه
وعنيه كانوا من الغيظ حيطقوا
ماشي بيتكتك عنده رعشة
طبعاً دي مش رعشة برد
دي حسرة قلب اللي كانوا
مش عايزينا نبني السد
***

شاف الميه هناك في بلدهم
زي كلامهم جزر ومد
شاف الميه هنا في بلدنا
مش محتاجة لأخذ و رد
شاف الشمس هناك في بلدهم
من المغرب تتحنى بورد
شاف الشمس حدانا بتسهر
ولا بتسيبش النور يسود
علشان خاطر نبني السد
لبلد الخير وبلد السعد
***

بعد شويه العمال هتفوا
يوم الإتنين بكرة يا جدعان
عم أبو خالد جاي يزورنا
ويبارك أكبر خزان
قرب جنبي أبو نار قايدة
قال ياحبيبي هنا في غلطة
بكرة مش الإتنين ياحبيبه بكرة اسمه يوم الأحد
رد عليه جدع أسمر عترة قال ياخواجة دي بلد السد
بص يمينك عرق العافية
شوف إزاي بينقط صهد
بص شمالك شوف ضوافيرنا
في الجرانيت لها برق ورعد
هنا أهوه الوقت بيسبق روحه
والبنا ماشي قبل الهد
علشان كده قربنا وجبنا
يوم الإتنين قبل يوم الأحد

ضحك ابن أختي معايا وكركر
ولقيته قال يا اخواتي عايز أكبر
شوف دكتور أطفال يكتبلي
ميه تكون جايه من السد
علشان أقدر أروح وأزور
بلد السد أبو باب مسحور
اللي بيبني الهوى والنور
واللي حيروي الارض البور
بلد الخير بلد الخير وبلد السعد

اصرار
إصرار اصرار
كلنا عرب كلنا اصرار اصرار
كلنا في دمنا اصرار اصرار
عشان الضلمة ما تعيشي
عشان الضحكة ماتموتشي
عشان الفرحة ما تغيبشي
عشان نحمي النهار من اعداء النهار
اصرار اصرار

الاسمر

نسمة رايحة تحكي
وراجعة تاني تحكي
عن اسمر حب سمرة
وسافر يشتري لها
فستان بلون القمرة
وعقد لون عيونها
من يومها راح ما جاشي
وهي ما تدراشي
مارجعش ليه حبيبها ليه
مارجعش ليه نصيبها ليه
راح راح راح
راح علشان البلابلما يسكتهاش الالم
راح علشان السنابل ما يدوسهاش القدم
وعشان ضحكة حبيبته ضحكة حبيبته ما يقطفهاش انسان
وعشان خضار عيونها خضار عيونهاما تكحلوش احزان

راح راح راح

الاسمر في كل مكان
بيخضر الغيطان
ويغني للانسان
ويوهب له الامان

ويكسر القيود
ويحطم السدود
ويغني للوجود
بالكلمة والبارود

انتهي الدرس
الدرس إنتهى لموا الكراريس ...
بالدم الي ورقهم سال
في قصر الأمم المتحده ...
في مسابقه لرسوم الأطفال


ايه رأيك في البقع الحمره ...
ياضمير العالم ياعزيزي
دي الطفله مصريه وسمرة...
كانت من اشطر تلاميذي
دمها راسم زهره ...
راسم راية ثوره...
راسم وجه مؤامره ...
راسم خلق جبابره
راسم نار ...راسم عار ...
عالصهيونيه والإستعمار
والدنيا اللي عليهم صابره ...
وساكته على فعل الأباليس
الدرس إنتهى ...لموا الكراريس


وثب...قفز...قذف... قتله

الدرس إنتهى لموا الكراريس ...
بالدم الي ورقهم سال
في قصر الأمم المتحده ...
في مسابقه لرسوم الأطفال


ايه رأي رجال الفكر الحر
في الفكره دي المنقوشه بالدم
من طفل فقير مولود في المر
إنما كان حلو ضحوك الفم
دم الطفل الفلاح ...
راسم شمس الصباح
راسم شجرة تفاح...
في جناين الإصلاح
راسم تمساح ...بألف جناح...
في دنيا مليانه بالأشباح
لكنها قلبها مرتاح وساكته ...
على فعل الأباليس
الدرس إنتهى ...لموا الكراريس

وثب...قفز...قذف... قتله

الدرس إنتهى لموا الكراريس ...
بالدم الي ورقهم سال
في قصر الأمم المتحده ...
في مسابقه لرسوم الأطفال


ايه رأيك ياشعب ياعربي
رايك ايه ياشعب الأحرار ...
دم الأطفال جاي لك يحبي
بيقول إنتقموا من الأشرار
ويسيل ع الاوراق ...يتهجى الاسماء
ويطالب الأباء ...بالتار للابناء...
ويرسم سيف... يهد الزيف ...
ويلمع لمعة شمس الصيف
في دنيا فيها النور بقى طيف ...وساكته ...
على فعل الأباليس
الدرس إنتهى ...لموا الكراريس

وثب..... قفز...... قذف..... قتل

لا لا لا ...قولوا ورايا
نهض...عبر...فتح...نصر

عالية بلادي
غالية ولا يغلى عليك غالي غالية يابلادي
غالية ويرخصلك الغالي لو حتى ولادي
متقولوش الشمعة دابت متقولوش ده غاب الضي
مهما يغيب اللي بنى مهما يغيب في قلوبنا حي
عايش ... زي مصر وزرعها
عايش ... زي طلعة شمسها
عايش ... زي ضحكو ولدها
عايش ... زي نيلها وفجرها
عايش ... زي الأمل في قلوبنا لكل بكرة جاي
ومتقولوش ومتقولوش


أنوار أنوار بتضوي بلدنا في كل مكان
أنوار أنوار وتنور في جبين العرقان
أنوار أنوار وتعرف إيه معنى الإنسان
أنوار أنوار بتضوي على الطريق
أنوار أنوار وتقول مين العدو وتقول مين الصديق
أنوار أنوار وتونس الأحباب
وتفتح الأبواب للجاي من الأحباب
وتدوب السنين وآلام السنين
فعيون المخلصين


يا زرع بلدي يا أخضر
الفرحة جاية بتتمخطر بعد المشوار
غني وقول مواويلي
متقولش فيها ليل دي بلدنا نهار
دي مصر مصر فجر وصبر
فعيون ولادها السمر
وأغاني الصبايا عالترعة
في الرايحة تملي وفي الرجعة
بيغنوا ويقولوا ويعيدوا ويقولوا
غالية ولا يغلى عليك غالي غالية يابلادي
غالية ويرخصلك الغالي لو حتى ولادي

رايحة فين ياعروسة
رايحه فين ياعروسه يام توب أخضر
راحه أجيب الورد وأجيب سكر
تعملي ايه ياعروسه بالسكر
أعمل شربات ورد مكرر
وأصبه في دوارق فضه
وبإيدي أوزعه عالحته
ندر عليكي؟
ايوة عليه
تسقيه بإديكي
آه بإديه
طب روحي ياعروسه هاتي السك

وحياة اللي راح وطلع بالسلاح
من فجر الصباح وضميره مرتاح
اتمنيت من ربنا اليوم ده من كام سنه
أعيش وأشوف أرضنا طارحه جناين نصرنا
وأملى ليالي مصر غناوي الله الله الله
ونهارها افراح وهناوي الله الله الله
وندر وطول مانا عايشه .فيكي يادنيا أسقي بإدي


رايحه فين ياعروسه يام توب أخضر
راحه أجيب الورد وأجيب سكر
تعملي ايه ياعروسه بالسكر
أعمل شربات ورد مكرر
وأصبه في دوارق فضه
وبإيدي أوزعه عالحته
ندر عليكي؟
ايوة علي
تسقيه بإديكي
آه بإدي
طب روحي ياعروسه هاتي السكر

وحياه اللي عاد في افراح البلاد
والشمع متقاد في ليالي الأعياد
والدار تحضن أهلها .بعد غيابناكأنها
اليوم ده يوم سعدها مالفرح يوم نصرها
ونبني وادي النصر عماير ويعلى صوت المكن الدا
وقوام ياعروسه هاتي السكر
هعمل شربات ورد مكرر

ادخلوها سالمين

إدخلوها سالمين...إدخلوها آمنين
مصر بلد المؤمنين...مصر بلد الطيبين
أولاد مصر


لو لفيت الدنيا بحالها
لو لفيت ورحت وجيت
وعرفت وشفت
وقلت لقيت جنتي وإرتحت
وإتمتعت بسحر جمالها
مش هتلاقي مهما تشوف
أرض محبه مافيهاش خوف
إلا فمصر
وإدخلوها سالمين... إدخلوها آمنين
إدخلوها


لو لفيت الدنيا بحالها...لولفيت
وتهت في ليل الغربه وضعت...
وقلت ياريتني ماكنت سافرت
رحله كانت من أولها مافيهاش يوم حسيت بآمان
يبقى ضاع منك عنوان
بلدك مصر
وإدخلوها سالمين... إدخلوها آمنين
إدخلوها


لو لفيت الدنيا بحالها لو لفيت
ولقيت بيت مفتوح الباب
ومرحب ميت مرحب ياأحباب
وشوق فعيون صادقه في كلامها
لو لفيت
وأهلا بيك من صوت ملهوف
ده إنت فبيتك وإحنا ضيوف
تبقى فمصر
وإدخلوها سالمين.إدخلوها آمنين
إدخلوها


لو لفيت الدنيا بحالها لو لفيت
وفيها زرت بيوت الله
وإتمنيت تسعد بصلاه
لو لفيت الدنيا بحالها
مش هتلاقي فأي مكان
شعب حياته في الإيمان
إلا فمصر
وإدخلوها سالمين...إدخلوها آمنين ..ادخلوها

ياحبة عيني يابلدي

بلدي يا بلدي يا بلدي
يا حبة عيني يا بلدي
يابويا وامي وولدي
يا عزيز عيني وعيني صحبة بلدي

الايادي في الايادي
و العيون على الاعادي
كل العيون في العيون
ولا رملة واحدة راح تهون
ولا حمشي فوقها غريب
ولا حنخلي فوقها غريب
يا عزيز عيني وعيني صحبة بلدي

طول ما الايدين للايدين ممدودة
طول ما القلوب للقلوب مشدودة
بالوحدة و النضال
تتحقق الامال
بالمصنع الشغال
للجاى م الاجيال
ياعزيز عيني وعيني بتحرس بلدى

بلدي يابلدي

بلدي يا بلدي***بلدي يابلدي
يا بلدنا يا حياتنا** حكايتنا في سهرنا انا وحبيبي
على قمرك نحكيها** ونغني لياليها انا وحبيبي
اديته ورداية** غنيت له غنواية
وبعت نجماية** ورسمت رسماية
عدى في ضى القمرايا** ورجع شابكها على الرايا
يا ام العيون السمر غني**يا يا يا بلدي

بلدي يا بلدي**بلدي يابلدي


وغلاوتك يا عنيا** للفرحة دي عليا انا وحبيبي
والطرحة دي هدية** شغلاها بايديا وانا وحبيبي
حندور بشرباتك** نسقيه لاحبابك
والنصر وحياتك** يكتب لنا كتابك
وتعيشي دايما يا عروسة** بايدين حبايبك محروسة
يا ام العيون السمر غني** يا يا يا بلدي
بلدي يا بلدي**بلدي يابلدي