الدرس انتهى لمو الكراريس.شادية .mp3
4shared.com /mp3/IAG6Vlu7/____.htm
أغنية الدرس إنتهى الدرس لموا الكراريس
لها معزة خاصة عندى لإنى حضرت هذه الأغنية لما شادية غنتها بحماس شديد
و كتبها صلاح جاهين فى وقتها
و لإن شادية من محافظة الشرقيه
و المدرسة التى ضربت فى محافظة الشرقية مسقط رأسها غنتها بمنتهى القوة
أتمنى لكم الإستمتاع و انتم تسمعوا تلك الأغنية التاريخية
كتب صلاح جاهين رائعته قصيدة ( الدرس انتهى لموا الكراريس )مسجلاً لمجزرة بحر البقر في ذاكرة الشعر العربي والأغنية العربية
ولحنها الموسيقار سيد مكاوي ليحملها صوت الفنانة شادية :
كلماتها :-
الدرس انتهى لموا الكراريس
بالدم اللى على ورقهم سال
في قصر الامم المتحدة
مسابقة لرسوم الاطفال
ايه رايك في البقع الحمرا
يا ضمير العالم يا عزيزى
دى لطفلة مصرية سمرا
كانت من اشطر تلاميذى
دمها راسم زهرة
راسم راية ثورة
راسم وجه مؤامرة
راسم خلق جبارة
راسم نار
راسم عار
ع الصهيونية والاستعمار
والدنيا اللى عليهم صابرة
وساكتة على فعل الاباليس
الدرس انتهى
لموا الكراريس
ايه رأى رجال الفكر الحر
في الفكرة دى المنقوشة بالدم
من طفل فقير مولود في المر
لكن كان حلو ضحوك الفم
دم الطفل الفلاح
راسم شمس الصباح
راسم شجرة تفاح
في جناين الاصلاح
راسم تمساح
بالف جناح
في دنيا مليانة بالاشباح
لكنها قلبها مرتاح
وساكتة على فعل الاباليس
انتهى الدرس
لموا الكراريس
ايه رايك ياشعب ياعربى
ايه رايك يا شعب الاحرار
دم الاطفال جايلك يحبى
يقول انتقموا من الاشرار
ويسيل ع الاوراق
يتهجى الأسماء
ويطالب الاباء
بالثأر للابناء
ويرسم سيف
يهد الزيف
ويلمع لمعة شمس الصيف
في دنيا فيها النور بقى طيف
وساكتة على فعل الاباليس
الدرس انتهى
لموا الكراريس
