كلمات أغانى المطرب الشعبى أحمد عدوية

اتعلموها

ماتاخدوناش في الدوكه واتعلموها بقه

وما تمسكوناش بالشوكه ماتاكلونا بالمعلقه

اتعلموها اتعلموها بقه

دا هواكم سرجي مرجي لا حكيم ولا تمرجي

وبحركم عطشجي وميته مشلقه

اتعلموها اتعلموها بقه

اشيلك وانت ناسي على عيني وعلى راسي

ان مطلعتش مقاسي انا عمري مش بعزقه

اتعلموها اتعلموها بقه

وبرمش عينيك سارقني اجيك والشوق سابقني

وفجأه الاقيك تالمني هو الهوى تريقه

اتعلموها اتعلموها بقه

اغراب

اغراب يا دنيا من الصغر للشيبه
اغراب وطالت بيا الغيبه
يا مضحكانا يوم
ومبكيانا يوم
وموريانا كل حاجه عجيبه
اغراب يا دنيا

مبيناموش يا ولدي ما بيناموش
عشاق الليل يا ولدي ما بيناموش
بايتين حيارى عايشين سهارى
يا مضحكانا يوم ومبكيانا يوم
وموريانا كل حاجه عجيبه
اغراب يا دنيا

قالوا علينا علينا قالوا
واحنا فحالنا لوحدينا قالوا
دول مهما قالوا والا عادوا
ما يهمناش داحنا حامينا يا ولدي ربنا
يا مضحكانا يوم ومبكيانا يوم
وموريانا كل حاجه عجيبه
اغراب يا دنيا

ياعين ياليل يا ليل
وان كان جرى مني ذنب
سامحوني واتوب
الاوله قسمتي
والتانيه المكتوب
والتالته صحبتي
والرابعه غربتي
والخامسه كنت غالب صبحت انا مغلوب

يا مضحكانا يوم ومبكيانا يوم
وموريانا كل حاجه عجيبه
اغراب يا دنيا

الا ده يا عزال

الا ده يا عذال الا ده .. بحبو والحب عباده
بيقولوا ايه اسم الله عليه .. بيقولوا ايه اسم الله عليه
عسل ابيض وحلاوته زياده .. الا ده يا عذال الا ده

هو اللي في الحته بحاله .. وامه دايما داعيالو
الله عليه زي السكر .. عسل ابيض وحلاوته زياده
الا ده يا عذال الا ده

السح الدح امبو

عمي يا صاحب الجمال
ارحمني دنا ليلي طال
شوف لي جمال على قد الحال
يعوض صبري اللي طال ..
عمي ..
يا صاحب الجمال

السح الدح امبو
ادي الواد لابوه ..
ياعيني الواد بيعيط
صعبان علي الواد ..
ماتشيل الواد من الارض
الواد عطشان اسقوه ..
شيل الواد من الارض
الواد لسه في اللفه
وعامل له زيطه وزفه ..
ودا خلى العقل استكفى
اكمنه شبه ابوه ..
الواد دا لسه صغير
قاعد في اللفه صغير ..
ودا خلى العقل تحير

المغنواتيه

(مول) :

يادي الزمان الردي اللي كترت فيه المغنواتيه

في ناس بتقول آه ياعيني بس الآه موش هيّه

والفن مدرسه يا عيني والحياة كليه

والحب موش حب لو مافهوش ملاغيه

بنت السلطان

يا بنت السلطان حني على الغلبان
الميه في ايديكي وعدويه عطشان

على كوبري عباس ماشيه واشيه الناس
ماشيه تبص عليكي با فروته باناناس

اديني اديني اكتر
دي الميه في ايدك سكر

سعيده يا حلوه سعيده
ومواصلاتك بعيده
اامري وانا اجيلك ماشي لما لمصر الجديده

يابنت الغاليين مين في حلاوتك مين
ياللي جمالك فاكهه وكلامك فيتامين

اديني اديني اكتر
دي الميه في ايدك سكر

محسوبك عدويه يحب اسكندريه
ومصر دي بلدي والدول العربيه

تيجي ياهوى

تيجي .. تيجي تيجي .. تيجي تيجي ياهوى
ماتيجي .. تيجي تيجي .. تيجي نتعلم سوى
وندرس الفصاحه بالحب والهوى
تيجي .. تيجي ياهوى .. ماتيجي ياهوى

تيجي تيجي يافروته .. يا لوز بالشوكلاته
ونشوف الحب دا عسلي .. سكر والا شطه
ماتيجي .. تيجي تيجي ياهوى

تيجي تيجي يا احلى فله .. كم قصه وكم مجله
نقراهم ونشوف فيهم .. الحب دا جالنا والا
ماتيجي .. تيجي تيجي ياهوى

تيجي تيجي سنّه سنّه .. تتأنا وانا اتأنا
وحبه حبه حبه .. ح نكمل نص دينا
ماتيجي .. تيجي تيجي ياهوى

حبه فوق وحبه تحت

البدر ساكن فوق وانا اللي ساكن تحت

بصيت لفوق بشوق مال قلبي وانجرح

ياهل الله ياللي فوق طب طلوا على تحت

والا خلاص اللي فوق مش داري باللي تحت

طب حبه حبه فوق وحبه حبه تحت

نظره نظره فوق ونظره نظره تحت

ياللي فوق

شباكها بالستاير ومزينه بعنبايه

وقفص فيه تين وحاير بيفكرني بحكايه

حكاية قلب حب والشوق حاكم عليه

بنظره عين يحب ولاحد يحس بيه

ياهل الله ياللي فوق طب طلوا على تحت

والا خلاص اللي فوق مش داري باللي تحت

طب حبه حبه فوق وحبه حبه تحت

نظره نظره فوق ونظره نظره تحت

زحمه

زحمه يا دنيا زحمه وتاهوا الحبايب

زحمه ولا عادشي رحمه مولد وصاحبه غايب

اجي من هنا زحمه واروح هنا زحمه

هنا او هنا زحمه

زحمه يا دنيا زحمه

زحمه وانا رايح له وانا وسط الزحام

عايز يسمع واقله ما بيوصلشي الكلام

بيني وبينه معاد وحيروح المعاد

اجي من هنا زحمه واروح هنا زحمه

هنا او هنا زحمه

زحمه يادنيا زحمه

زحمه ومعطلاني وان رحت وما لقيتوش

اخاف اروح له تاني في معادي وما القاهوش

كتير الناس كتير وانا عايزاركب واطير

اجي من هنا زحمه واروح هنا زحمه

هنا او هنا زحمه

زحمه يادنيا زحمه

الساعه الا تلت ومعادي معاه تمنيه

لا من السكه دي رحت ولا لا قي سكه تانيه

كتير الناس كتير وانا عايز اركب واطير

زحمه يا دنيا زحمه وتاهوا الحبايب

زحمه ولا عادشي رحمه مولد وصاحبه غايب

اجي من هنا زحمه واروح هنا زحمه

هنا او هنا زحمه

زحمه يا دنيا زحمه

سلامتها ام حسن

سلامتها ام حسن من العين ومن الحسد
وسلامتك ياحسن من الرمش اللي حسد
سلامتها سلامتها ام حسن

جالها الدور اللي ماشي والدور ما لايمهاشي
والعين ما تسيبهاشي محسوده ام حسن

ملبوخه ليه ملبوخه من الفكر جالها دوخه

عملولها الزار لطشها وكانو عيار دوشه
ياريت كان حد حاشها معذوره ام حسن

جرى ايه يام حسن لايميها واخجلي
لا الدور والزار بينفع ما تقومي وترقصي

اسلامتها ام حسن من العين ومن الحسد
وسلامتك ياحسن من الرمش اللي حسد
سلامتها سلامتها ام حسن

شيش بيش

العب لك شيش بيش .. تلعب لي دوياك
بلاش لعب الدراويش .. عقدتنا لازم تنفك
نلعب .. نلعب .. نلعب .. نلعب

طعم البسبوسه وبس .. مش عايز بيا تحس
ان كنت مش شايفني .. البس نظاره وبص
علشان تبطل شك ..
العب لك شيش بيش .. تلعب لي دوياك
بلاش لعب الدراويش .. عقدتنا لازم تنفك
نلعب .. نلعب .. نلعب .. نلعب
(موال):
احبابك كتير يا قلب طول ماانتى معاك المال
وان خس مالك تلاقي احلى ما فيهم مال
القرش في الدنيا سيد اسمع يا سي السيد
اسمع وخلي بالك يا سي السيد
القرش في الدنيا سيد يا عيني بيتعملو حساب
واحبابك كتير يا قلبي طول ماانتى معاك المال
وان خس مالك تلاقي احلى ما فيهم مال
انا بقول يا طاحن الصبر
ياطاحن الصبر هات لي معاك سفه
يمكن يريد الالهه وتتعدل الدفه
دمعي على جدع الزين كان زاين الحته
له من العيال اتنين ياعيني ومن البنات سته ..

طعم البسبوسه وبس .. مش عايز بيا تحس
ان كنت مش شايفني .. البس نظاره وبص
علشان تبطل شك ..
العب لك شيش بيش .. تلعب لي دوياك
بلاش لعب الدراويش .. عقدتنا لازم تنفك
نلعب .. نلعب .. نلعب .. نلعب

عجبي عليك يازمن (موال)

(موال):
عجبي عليك يازمن بترسي ناس ع البر
وناس تتوه في البحر آسوا العذاب وأمر
وناس غلابه رزقهم من خرم إبره يمر
عايشين كده في المحن ولا شافوا لحظه تسر
وناس كده الوان شبعان يزوء جعان
وناس تواصل ضحكها وناس بتمسح دمعها
وناس بتشرب عسل وناس بتشرب مر
عجبي على فرعين كانوا اصلهم واحد
واحد غرز في الطين واللي طلع واحد
وموزع الرزق مابينساش ولا واحد

كركشجني

كركشنجى دبح كبشه يا محلى مرقه لحم كبشه
عكشو فركش نكشو طنش قلشو آقلش
سبع سلاطين استسلطناهم من عند المستسلطانين
تقدر يا مسلطن يا مستسلطن تستسلطنلنا سبع سلاطين
زى ما استسلطناهم من عند المستسلطانيين
سبح دبابيس استدبسناهم من عند المستدبسين
تقدر يا مدبس يا مستدبس تستدبسلنا سبع دبابيس
زى ما استدبسناهم من عند المستدبسين
سبع لحاليح استلحلحناهم من عند المستلحلحين
تقدر يا ملحلح يا مستلحلح تستلحلحلنا سبع لحاليح
زى ما استلحلحناهم من عند المستلحلحين
سبع طقاطيق استطقناهم من عند المستطقطقين
تقدر يا مطقطق يامستقطق استطقلنا سبع طقايق
زى ما استطقناهم عند المستطقطقين
سبع فراريح استفرحناهم من عند المستفرحين
تقدر يا مفرح يا مستفرح تستفرحلنا سبع فراريح
زى ما استفرحناهم من عند المستفرحين

كله على كله

كله على كله
لما تشوفه قول له
هو فاكرنا ايه
مش ماليين عنيه
روح قول له
حصل ايه
كله على كله ..
هو فاكرنا ايه
مش ماليين عنيه

بره واللي بره مين
داحنا احنا معلمين
لو الباب يخبط
نعرف بره مين ..
هو فاكرنا ايه
مش ماليين عنيه

قول له ان كنت فيل
والا ما لكش مثيل
قلبي ما هواش مسرح
لهواية التمثيل ..
هو فاكرنا ايه
مش ماليين عنيه

ما بلاش اللون ده معانا

ما بلاش اللون ده معانا .. راح تتعب اوي ويانا
والا احنا عشان بنحبك .. تشتري وتبيع في هوانا
ما بلاش اللون ده معانا .. بلاش ده معانا
هتلغول ليه ويانا .. بطل حركاتك ديا
امبارح كنت معانا .. سكر في حلاوه طحنيه
حصل ايه مننا فينك .. توعدنا ولا بتجينى
وتعدي ولا بتسلم .. بكره اللي عطاك يعطينى
والا احنا عشان بنحبك .. تشتري وتبيع في هوانا
ما بلاش اللون ده معانا .. بلاش ده معانا

والله ولعب الهوى

والله ولعب الهوى .. واحنا قاعدين سوى
الورد راح كده .. والفل جه كده
وبقيت من دا ودا .. سلطان اهل الهوى

حبيبي السكره .. وغرامو غندره
ورقه على ميه بيضا .. رايقه ومتكرره
الورد راح كده .. والفل جه كده
وبقيت من دا ودا .. سلطان اهل الهوى

حبيبي يا هنا .. حلوين انت وانا
دا الحب كده نعمه .. والهوى سلطنه
الورد راح كده .. والفل جه كده
وبقيت من دا ودا .. سلطان اهل الهوى

هوايا ياهوى .. ونظرتك دوى
يا نسيم بيرد روحي .. وغرام على مستوى
الورد راح كده .. والفل جه كده
وبقيت من دا ودا .. سلطان اهل الهوى

ياحلو الملامح

ياحلو الملامح .. يابو الرمش جارح
بتعدي ونسيمك .. بيهفهف روايح
ياحلو .. ياحلو الملامح

ياغالي علينا .. واغلى من عنينا
ياللي مفيش مثالك .. من الريف والمدينه
وشعرك جدايل .. مسوي الهوايل
بتعدي ونسيمك .. بيهفهف روايح
ياحلو .. ياحلو الملامح

رموشك تحير .. وليلك قصيّر
وجمالك زياده .. على قلبي الصغير
والليل ياهايم .. بيعمل عمايل
بتعدي ونسيمك .. بيهفهف روايح
ياحلو .. ياحلو الملامح

يلوموني

لاموني ما علي ملامه .. يلوموني ما علي ملامه
يا خالك العنبري .. ح اديلك الاسمري
ويلوموني ما علي ملامه .. ولاموني ما علي ملامه
ولمت السكري .. اشويلك الجمبري
يااخي يالله .. يالله السلامه
ياليل ياباشا ياليل .. حلوين عطاشا ياليل
دبله وغويشه ياليل .. فرحه وبيشا ياليل

» كلمات أغانى المطرب الكبير وديع الصافى
» كلمات أغانى المطربة الكبيرة فايزة أحمد
» كلمات أغانى شادية
» كلمات أغانى ام كلثوم
» كلمات أغانى الفنانة الكبيرة نجاة الصغيرة