نافذة الأفلام و المسلسلات القديمة و الحديثة لجميع الفنانين

ايه اكثر الافلام لبتحبوها لمريم فخرالدين و ل مابتحبوها لها

انا بموت فى فيلم الايدى الناعمة ورد قلبى ورسالة غرام وحكاية حب وفيلم ليها مع صلاح ذو الفقار وعبد المنعم ابراهيم وسميحة ايوب وحسن حسنى بس مش فاكرة اسمه لكن مفيش افلام محبتلهاش لانى مسمعتلهاش كتير اوى يعنى

شكرا لك أستاذة منون على ردك و انا كمان بحب الافلام لذكرتيها ماعدا الفيلم لذكرتيه مع صلاح ذوالفقار و سميحة ايوب لانها عادت بعد غياب و لما عادت عادت شخصية ثانية مش البنت الطيبة الهادية لكنا متعودين عليها في الخمسينات و الستينات

قصدك على فيلم سوق الحريم؟!

ايوا معجبنيش و معجبتنيش فيه

انا شوفت لغااية نصه بس كانت حلو فيه معرفش اخره ايه

ايه الافلام لشفتيهم لها مع شكري سرحان ماعدا رد قلبي

للاسف انا مقصرة مع مريم هو رد قلبى بس لكن هحمل فيلم رحلة غرامية بيقولوا حلو

وفيلم بقايا عذراء سمعت منه اخر مشاهد بس عجبنى

ايوا انا بحب فيلم رحلة غرامية حلو بس انصحك متشوفهمش في رمضان خلي بعد رمضان و حتى لما تشوفيهم بعد رمضان متشفيش المشاهد لمش كويسة يعني العناقات و غيرها مابدنا نغضب ربنا

محبكتش فى رمضان يعنى خليها تعدى على خير وخصوصا داخلين فى العشرة الاواخر

طيب ايه الافلام لشفتيهم لها

الافلام اللى قولتلك عليهاا وفيلم يوم بلا غد وفيلم ليها مع يوسف اخوهاا بس مش فااكرة اسمه كانت طالعة اخته وفى نفس الوقت مخبيين عليها انها يتيمة من الملجا مؤثر اووى وفيلم مهمة صعبة جدا كانت طالعة ام بس ام عسوولة اوووى

هل شفتي لها لا انام مع فاتن حمامة او ارحم حبي مع شادية

اه نسيت لا انام سمعته ومن اكتر الافلام اللى بعشقها لكن لوعة الحب قريت قصة الفيلم لكن لسه مسمعتهوش بفكر احمله شووقنى جداا

مش لوعة الحب ارحم حبي  لوعة الحب فيه شادية لوحدها ارحم حبي لفيه شادية و مريم فخرالدين بس مثل ماقلتلم متشفهمش في رمضان

في فيلم لا انام مريم كانت مظلومة انا كرهت فاتن حمامة في الفيلم ابوها كان سعيد كتير مع مريم فخربت له سعادته و جعلته يشك فيها و في الاخير طلقها و رمى عليها كلام جارح و مريم فخرجت من النعيم ظلم حتى يحيى شاهين كرهته لما شك فيها و طلقها و رمى عليها كلام جارح و في الاخير على الاقل يصوروا لنا انه اعتذر لها هو بكل بساطة سامح بنته و طوى القصة

معلش اتلغبطت فى الكتابة مكنتش مركزة كان قصدى ارحم حبى اما فيلم لا انام فانا ممثلتى المفضلة فاتن وشادية وحبيت فاتن فيه لانها نوعت عن ادوارها اه ظلمت مريم بس ندمت لما يحيى شاهين طلق مريم ولما قربت من ابوها وهند رستم وكمان هى كانت فى سن مراهقة وعندها عقدة فكان طبيعى تعمل كده وكمان بصراحة بالرغم ان مريم طيبة لو اى حد مكان فاتن كان عمل كده محدش هيحب زوجة الاب فى سن فاتن هنا وهتغير لما تلاقى باباها سعيد مع واحدة غير مامتهاا واى حد مكانها هيحاول يفرق ما بينهم عشان يرجع لمامتها ولما تلاقى باباها بقى حزين اكيد هتدور على واحدة تسعده عشان متحسش بالذنب وكمان لازم كان يسامحها ويطوى القصة بسرعة وهو قدام بنته وهى بتتحرق ونجت بالعافية وتشوهت عايزاه يعاقبها برضو وهى حاسة بالذنب ومشوهة بصراحة انا حبيت فاتن هنا اووى من الادوار اللى بجد فاتن اتقنتها

فعلا كلامك صحيح أستاذة منون و انا قلت كده من محبتي لمريم

في فيلم اسمه اقوى من الحياة لمريم و كمال الشناوي و عماد حمدي قصته مريم متزوجة من كمال الشناوي و عندها بنت من زوج اول مات و لها ابن هي و كمال الشناوي فكمال يحسب ان مريم تحب بنتهااكثر من ابنهم فيحب يقتل بنتها يضع لها سم في مشروب بس يشربه الابن و يموت وكمال يتهم مريم بقتل ابنه فتدخل السجن بس المحامي عماد حمدي يكشف الحقيقة و يتم اعدام كمال الشناوي و مريم تخرج من السجن و يتزوجها عماد حمدي
شرايك في الفيلم و هل شيفاه بطولة مططلقة لمريم

مين اكثر واحد حبيتوه في عيال حبيبة حمادة هلال او محمد نجاتي او رامز جلال او محمد لطفي

احمد زكي في فيلم ضد الحكومة كان اب مضحي و محب لابنه و يخاف عليه و مهما التعذيب لتعرض له و تخلي الجميع عنه ماتراجع عن موقفه كان صعب عليه كتير بس حبه لابنه كان عنده فوق كل شيء كيف شفتوا حبه لابنه و تضحيته عشانه

احمد زكى من احسن المممثلين اللى السينما كسبتهم ومن رايى اكتر وااحد بيقتمص الادوار وبيعيشها على انها حياته بجد فيلم يجنن ومؤثر جدااا

حمادة هلال اكيد الكل هيقول كده لانه البطل الرئيسى ودمه خفيف ومحبوب بس الصراحة رامز ومحمد لطفى كانوا عسل اووى وبيموتونى من الضحك

فيلم حلو جدااا اكيد بطولة مطلقة ليها لان الحكاية كلها بتدور حوليها وهى واخدة البطولة النسائية فاكيد بطولة مطلقة