كلمات أغانى الفنانة هدى سلطان

الكاس
أسيقني الكاس وإملاه تاني تلقى اللي في قلبي على لساني
دي الدنيا كاسين وأدمي تنين وأدي واحد ومعاك تاني
ومعاك تاني عمر اللي بيشرب من يدي ما تهمه
الناس وكلام الناس ولايقدر يخلف مواعدي
ما يقدر ينسى الكاس وغرام الكاس الكاس قول للأيام مالها
ومالنا ليه للأوهام تشغل بالنا أسيقني الكاس وإملاه تاني
تلقى اللي في قلبي على لساني دي الدنيا كاسين وأدي
واحد ومعاك تاني ومعاك تاني إفرح وتتمتع بنصيبك
دا العمر يومين إفرح وتتمتع بنصيبك دا العمر يومين
هناي ساعتين وأن كنت سعيد وايا حبيبك
وأن كنت سعيد وايا حبيبك القلبين لا تصبيهم عين دا الحب جميل
بس مطول ولاعدش قليل زي الأول
أسيقني الكاس وإملاه تاني تلقى اللي في قلبي على لساني
دي الدنيا كاسين وأدي واحد ومعاك تاني ومعاك تاني

الأوله اه
( موال )
الأوله اه على القلب اللى ما اتهناش
والتانيه اه على اللى صابر بس بخته ما جاش
والتالته اه على اللى فى دنيا لا مات ولا عاش
حبينا يا قلبى لكن شفنا حبايبنا سابوا اللى يسوى
وراحوا للى ما يسواش

الحلو ده
حد يعرف إسموو إيه الحلو ده ؟
حد يعرف يبقى مين الحلو ده ؟
الحلو ده هوه حبيبي ..
الحلو ده يبقى نصيبي ..
حد شاف في الدنيا .. زي الحلو ده ؟

الحلو اسمع دقتُه افتح لُه قلبي
والحلو اعرف خطوتُه لو مر جمبي
كل يوم بتزيد غلاوتُه ..
عمري ما شفت بحلاوتُه ..
حد شاف في الدنيا .. زي الحلو ده ؟

اللي احبه اديه روحي وعمر واكتر
واللي اسهر في هواه احلم وافكر
جوه عيني وجوه قلبي ..
لُه لوحدُه كل حبي ..
حد شاف في الدنيا .. زي الحلو ده ؟

كل غنوه حلوه اقولها تكون عشانه
والحياة تضحك لي في نظرة عيونُه
نور عيوني وشغل بالي ..
مهما تبعدنا الليالي ..
حد شاف في الدنيا .. زي الحلو ده ؟

ان كنت ناسي
ان كنت ناسي .. افكرك
ياما كان غرامي .. بيسهرك
وكان بعادي .. بيحيرك .. بيحيرك .. بيحيرك
وان كنت ناسي .. افكرك

افكرك بالليل وشجونك
واحلفلك عالشوق بعيونك
وفرحتك وانت بتحكي .. قصة هوايا
ولوعتك وانت بتشكي .. من طول اسايا
وكان غرامي بيسهرك
وكان بعادي بيحيرك
وان كنت ناسي .. افكرك

بدلت ودك ليه .. ليه بالاسيه
وكنت قبلَ بتخاف عليه
اعيش معاك في غرامي
وارضى المقدر
بين فرحتي واوهامي
واحلم .. وافكر
ياما كان غرامي بيسهرك
وكان بعادي بيحيرك
وان كنت ناسي .. افكرك

اه يا انته



اه يا انته .. منك انته ومن عمايلك
قلي مالك .. ايه جرالك مش عوايدك
قلي مالك ايه جراك .. مش عوايدك .. اه يا انته

كان زمان عطفك عليه .. يوم بيوم
في يومين دول الاسيه ..كل يوم
لما اجيلك اشتكيلك .. تزعل انته
قلي مالك ايه جراك .. مش عوايدك .. اه يا انته

اللي راح من عمري كله
كان لخاطرك .. كان لخاطرك
واللي فاضل لسى منو
امرو امرك .. امرو امرك
مهما يحصل عمري ما ازعل .. منك انته
قلي مالك ايه جراك .. مش عوايدك .. اه يا انته

ياللي حبك غنوة حلوه .. جميل
هو بعد الهجر قسوه .. مستحيل
ليه تلاوعني .. ليه دا يعني .. قلي انته
قلي مالك ايه جراك .. مش عوايدك .. اه يا انته

شوفوا رمضان
يا ولاد حارتنا
اتلموا اتملوا
شوفوا رمضان شوفوا خفة دمه
بر وتقوى مدفع يضرب
طبلة في عز الليل بتطوف
على حسها الاحباب يتلموا
شوفوا رمضان شوفوا خفة دمه

هاتوا الفوانيس بيضة ولمعة وفكل فانوس ولعوا شمعة
النور حايم لسكتنا والشر يطلع من بيتنا
وياللا بينا نمدح نبينا ويكون لينا وبتيرك همه
شوفوا رمضان شوفوا خفة دمه

قدي فروض الصلاة والصوم واعطف بقلبك على المحروم
احسن وزكي عن مالك واللي تجود بيه يبقالك
منا والينا عايد علينا ضموا الصفوف على الخير وانضموا
شوفوا رمضان شوفوا خفة دمه

رمضان يا شهر الخير يا كريم تسعد فقير وتهني يتيم
وفيك روايح من الجنة وان كنت رايح حتجلنا
وحتلاقينا مالين ايدينا يلقاك صغار وكبار يلتموا
شوفوا رمضان شوفوا خفة دمه

على الباب



على باب شقتنا الحلوه .. يا شريك ايامي الحلوه
حطيت خمسة وخميسة .. وسنابل قمح وحدوه
تكتب لنا حظ سعيد .. وتودي الشر بعيد
على باب شقتنا الحلوه ..

من قبل الشمس ما تصحى .. نور حبك ح يصحيني
واستقبل يومي بفرحه .. وتقوم من النوم تلاقيني
زوقت السفره قناني .. واطباق مليانه اماني
واقولك دوق يا حبيب .. واشرب من عند حناني
واسقيك فنجان القهوه .. متحلي بأجمل دعوه
يا شريك ايامي الحلوه ..

من ساعة ما تروح شغلك .. ح افضل مشغوله عليك
وبكل عواطفي اشتقلك .. وابعتها تهيم حواليك
و حتني ببعدك هايمه .. في الشقه اوضب فيها
ما ارضاش ابداً غير لما .. القاه يا حبيبي ماليها
واسمع خطاويك عالسلم .. واجري افتحلك واتبسم
يا شريك ايامي الحلوه ..

ح اقعد وياك نتساير .. ونعيد ونزيد في املنا
واعمل من الحب ستاير .. تحجبنا عن عذالنا
واعاهدك يا شريك عمري .. لأخلي حياتك جنه
ولا يشغل بالي وفكري .. غير اني معاك اتهنى
ونعيش في سبات ونبات .. ونجيب صبيان وبنات
يا شريك ايامي الحلوه ..

عمرى مادقت الحب




عمري مادقت الحب غير لما حبيتك
ولا شفت راة قلبي الا وانا في بيتك
تسلم .. تسلم .. تسلم لقلبي
وتعيش لحبي ..
تسلملي قلبي يا حبيبي .. تسلملي قلبي

دي لحظة وحده وانا جنبك بعمري لو تكون ثانيه
وكلمة حب من قلبك دي اجمل كلمه في الدنيا
لو تقولها لي .. كان يروق بالي
امرني قلبي احب
طاوعتو وهويتك
عمري مادقت الحب غير لما حبيتك
ولا شفت راة قلبي الا وانا في بيتك
تسلم .. تسلم .. تسلم لقلبي
وتعيش لحبي ..
تسلملي قلبي يا حبيبي .. تسلملي قلبي

جميلك عمري ما ح انساه .. ولا انسى الود والمعروف
حميني من الاسى وشقاه ونسيتني العذاب والخوف
جرحي داويتو .. قلبي هنيتو
ماليش في حبك ذنب .. غير اني ناديتك
عمري مادقت الحب غير لما حبيتك
ولا شفت راة قلبي الا وانا في بيتك
تسلم .. تسلم .. تسلم لقلبي
وتعيش لحبي ..
تسلملي قلبي يا حبيبي .. تسلملي قلبي

لاموني




لاموني .. لاموني
لاموني .. لاموني
لاموني وارتضيت باللوم
وبعيوني اشتهيت اللوم
ولاموني ..

لاموني لانشغال بالي
وانا محتار .. وانا محتار
لاموني وانت يا خالي
فايتني في نار .. فايتني في نار
ونارك اللي قايده
شبابي بينحرق بيها
طاوعت النار اللي نسيتها
ولا فكرت اطفيها
طاوعت النار ولا نسيتها ..
ولا فكرت اطفيها .. اطفيها .. ولا فكرت اطفيها
لاموني .. لاموني
لاموني .. لاموني
لاموني وارتضيت باللوم
وبعيوني اشتهيت اللوم
ولاموني ..

لاموني وانت هاجرني
ما واعدوني ..
لاموني .. وانت فاكرني ما نسيوني
لا قلبي طاب ولا جرحي تقولي راح .. يصيب امتى
بدمع هواك بكيت فرحي .. ولا تطبب علي انته
بدمع هواك بكيت فرحي .. ولا بتعطف علي انته
لاموني .. لاموني
لاموني .. لاموني
لاموني وارتضيت باللوم
وبعيوني اشتهيت اللوم
ولاموني ..

لاموني ونسيو نار وجدي
وسهد الليل .. وسهد الليل
لاموني ودمعي فوق خدي
لهيب بيسيل .. لهيب بيسيل
وارضى بالملام كله .. واتحمل عذاب حبي
واصبر قلبي واقله .. نصيبك بالهوى في قلبي
واصبر قلبي واقله .. نصيبك بالهوى في قلبي
نصيبك في الهوى في قلبي ..
لاموني .. لاموني
لاموني .. لاموني
لاموني وارتضيت باللوم
وبعيوني اشتهيت اللوم
ولاموني ..

مال القمر ماله
مال القمر مالُه .. مجيناش على بالُه
مال القمر مالُه .. مجيناش على بالُه
مال القمر مالُه

هو اللى متربى .. على العز ياربى .. يعمل كده فيّه
واشوفُه اندهلُه .. واسوق على اهلُه .. بالألف والميّه
واستنى واقول آه .. آه آه آه
وامسيت على الـ آه .. آه آه آه
غايب ولا همه .. ولا همه
ويرن خلخاله .. يرن خلخاله
ومشيت ورا عمه .. ورا عمه
وبست إيد خاله .. بست إيد خاله
مال القمر مالُه .. مجيناش على بالُه
مال القمر مالُه .. مجيناش على بالُه
مال القمر مالُه

صبري فرغ يا جميل والنفس منعاني
ومدام كتمنا الهوى يا كتر ما نعاني
عايز اقولك بحبك .. ونفسي منعاني
يا هل ترى يا جميل ..
لو قلتلك تقبل ولا تسوق الدلال وتسيبنا بنعاني
أحبابنا مازلنا .. فاتحين منازلنا .. يمكن يزورونا ؟
وقعدنا نستنى .. نصبر ونتمنى .. ولاجم يزورونا !
مال القمر مالُه .. مجيناش على بالُه
مال القمر مالُه .. مجيناش على بالُه
مال القمر مالُه

محسوده
محسوده في حبك محسوده
محسوده وعلى ايه محسوده
على قلت بختي معاك
على طول صدك وجفاك
على ظلم الناس وياك
على ايه .. على ايه .. على ايه
على ايه محسوده ..

من قبل ما احبك وانا عارفه ..
الحب مرار
اصل انا شايفه .. اصل انا شايفه
مش ناس بتحب .. وتتألم
علشان كدا حبيت وانا خايفه
واللي حسبتو يا ريتو يا عيني
واحترت بحبك با كاويني
على ايه .. على ايه ..
على قلت بختي معاك
على طول صدك وجفاك
على ظلم الناس وياك
على ايه .. على ايه .. على ايه
على ايه محسوده ..

الناس حاسدني على نصيبي
على لوعة قلبي وتعذيبي
تبقا انت وهما ونار حبي
اسعدني معاك يوم يا حبيبي
قوم يا حبيبي ..
هنيني ونسيني الماضي
الناس حاسديني على الفاضب
على ايه .. على ايه ..
على قلت بختي معاك
على طول صدك وجفاك
على ظلم الناس وياك
على ايه .. على ايه .. على ايه
على ايه محسوده ..

هو وانا
هو وانا .. مكتوب لنا
في حبنا .. كل الهنا
هو وانا .. هو وانا .. هو وانا

نعيم حياتي وجمالها .. وجمالها
وانا وانا وانا بقربه
وفرحة الدنيا بجمالها .. بجمالها
عطفو وحبو .. عطفو وحبو
اجمل احلامي .. حققها هواه
اسعد ايامي .. ايامي معاه ..
هو وانا .. مكتوب لنا
في حبنا .. كل الهنا
هو وانا .. هو وانا .. هو وانا

حبيبي بين قلبي وقلبه
ود وحنان .. ود وحنان
بيحبني قد ما احبه
واكثر كمان
بيخاف عليه واخاف عليه
وروحو فيه وروحي فيه ..
هو وانا .. مكتوب لنا
في حبنا .. كل الهنا
هو وانا .. هو وانا .. هو وانا


الحب غنوه نغنيها
محلا غناها ..
نفضل نقول ونعيد فيها
ولا نسلاها ..
يسمع غنايا .. واسمع غناه
ويقول معايا .. واقول معاه ..
هو وانا .. مكتوب لنا
في حبنا .. كل الهنا
هو وانا .. هو وانا .. هو وانا

يا ضاربين الودع
يا ضاربين الودع .. هوه الودع قال إيه ؟
خصام حبيبي دلع ؟ .. ولا خصامه ليه ؟
ليه .. ليه .. خصامه ليه ؟

شوفولي بختي .. وقولولي ع المخبي فين
ومن الودع اعرفولي .. هوه فين أراضيه
إن كان مقاسي عذولي .. برضو انا اراضيه
الشمل لما إجتمع .. جم فرقونا ليه ؟

يا ضاربين الودع .. هوه الودع قال إيه ؟
خصام حبيبي دلع ؟ .. ولا خصامه ليه ؟
ليه .. ليه .. خصامه ليه ؟

---

(موال):
يا ليل .. يا ليل
قولولي إيه الخبر اللي الودع مداريه
قدامي سكة سفر اروح له ولا إيه ؟
يا ليل .. يا ليل

خصام حبيبي دلع ؟ .. ولا خصامه ليه ؟
ليه .. ليه .. خصامه ليه ؟

من بحري وبنحبوه ع القمة بنستنوه شبك الجملات وشابكني

زاي نقدروا ننسوه ومن بحري وبنحبوه ايووووووووه ايوووووه ع القمة بنستنوه

من بحري وبنحبوه ع القمة بنستنوه

شبك الجملات وشابكها وازاي نقدروا ننسوه

سلمت عيله بالايد والعين بصيت للعين صدفة ومن غير مواعيد

زادوالعشاق اتنين شغتلنا عينيه من نظرتها يا خوفي عليه

من حلاوتها لا يروح مني وياخدوه و الفكر ف حبه يتوه

شب الجملات وشابكني وازاي نقدروا ننسوه

من بحري وبنحبوه ايوووووووووووه ايووووووووووه


لما قابلته وكلمته من قلبي وروحي هويته وف نن العين نيمته

وبرمش العين غطيته مرديتش انام ولا نوم جاني لا اشوف ف
منام انه جفاني من كتر ما بيشاغلوه وبيتمانه يقبلوه
شبك الجملات وشابكني وازاي نقروا ننسوه من بحري وبنحبزه ايووووووه ايووووه
ايام وسنين ف هواه وانا بين فرحتي
والامي يهجرني واقول انساه وان شفته ارجع ف كلامي
لو بعده يزيد ولا يطول الحب جديد زي الاول يا سلام ع امه وايوه قولولي ازاي عملوه
شبك الجملات وشابكني وازاي نقدروا ننسوه من بحري ونحوه ايووووووووه ايوووووووووه

الشرط نور

الشرط نور وانا شارطه عليك
من قبل كتب كتابي عليك ..
الشرط نور ..
وانا شارطه عليك ..

اصل الكسل طبع الحلوين
وانا طالعه حلوه وكُسليه ..
وقبل ما اخدك عشت سنين
ماعرفش اطبخ مولوخيه ..
ولا يوم غسلت صحون .. ولا حتى براد شاي ..
ولا اعرف الكمون .. بيغربلوه ازاي ..
اكمني ع العز تربيت .. واسأل عليي
لو كنت اعرف شغل البيت .. كان من عينيه
الشرط نور ..
وانا شارطه عليك ..

طول عمري عايشه في بيت بابا
مامسكت فيه جردل ميه ..
وكنت اقوم من النوم القاه
مغسول بيلمع حواليه ..
ولا يوم مسحت بلاط .. ولا عصرت الخيشه ..
ولا فردت بساط .. وعايشه احسن عيشه ..
اكمني ع العز تربيت .. واسأل عليي
لو كنت اعرف شغل البيت .. كان من عينيه
الشرط نور ..
وانا شارطه عليك ..