كلمات أغانى ليلى مراد


	انا قلبي خالي انا قلبي خالي .. ولا انشغل بك موش عارفه مالي .. يمكن بحبك .. يمكن بحبك .. يمكن بحبك ؟ غيرت حالي لما عرفتك شغلت بالي من يوم ماشفتك موش قادرة افارقك .. وتملي جنبك واخاف اضايقك .. يمكن بحبك .. يمكن بحبك .. يمكن بحبك ؟ قلبي بيفرح .. ساعت ماشوفك فكري بيسرح .. دايماً في طيفك طمن لي قلبي .. وافتحلي قلبك اوعاك تخبي .. يمكن بحبك .. يمكن بحبك .. يمكن بحبك ؟ فضلت وحدي .. اكتم شعوري ويفيض بي وجدي .. اسأل ضميري انا قلبي خالي .. ولا انشغل بك ؟ موش عارفه مالي .. يمكن بحبك .. يمكن بحبك .. يمكن بحبك ؟

احنا الاتنين

احنا الاتنين والعين بالعين
اهنا قلبين واسعد حبيبي
واسعد حبيبين احنا اللاتنين
هنيني بعطفك هنيني يا حبيب الروح واعد قلبي
ونسيني الدنيا نسيني يا حبيب الروح وفضل جنبي
الايد في الايد والعين في العين
اهنا قلبين واسعد حبيبين
احنا الاتنين
يا ما كنت اتمنى يجي اليوم ده
من بدري وافرح بحبيبي
اتاري الايام كانت شاهدة على حبي وشيلالي نصيبي
يا حبيبي الود كان لحن جميل
هنيتو معاك في حلم طويل
كنا قلبين جت نظرة عين
شبكت الاتنين .. صبحم حبيبين
احنا الاتنين

اسأل عليا

اسأل عليا وارحم عينيا
من دمعة رايحة ودمعة جاية
اسأل عليا ..

حبيبي إنتا إنتا الوحيد
ومهما تقسى حبي يزيد
لا ليا غيرك ولا ليا حد
ولا افتكرلك غير كل ود
وعشان بحبك يصعب عليا
وأقول غرامك ما كانش ليا
يلي غرامك كلو أسية
اسأل عليا ..

ابعتلي مرة ولو سلام
يمكن يصبر يمكن أنام ..
بستنى منك جواب يجيني
ويقول فاكرني ومش ناسيني
وبكل كلمة لحظة هنية
ترحمني فيها من اللي بيا
واقول حبيبي سأل عليا
اسأل عليا ..

ما اقدرش أنسى وانسى ليه
مين ليا غيرك أسأل عليه
روحي يا نسمة قولي لحبيبي
مهما هجرني وطال نحيبي
غرامي هو حواسي هيا
وشوقي هو واكتر شويا
زادت عليهم دموع عينيا
اسأل عليا ..

اسمع يا حبيبي

اسمع يا حبيبي اسمعني
اسمع يا حبيبي
ارجع يا حبيبي طاوعني
ارجع يا حبيبي
وحياتك عذابي .. ما كانش في حسابي
تعال قوام .. وكفايه خصام
اسمع يا حبيبي اسمعني
اسمع يا .. يا حبيبي ..

يا ظالمني العمر تصور
بعد دا كلو .. لسه بحبك ؟
واتحمل هجرك واصبر
لما اشوف ايه اخر حبك
دلوقت انا ببكي
ويمكن انت بتضحك ويا حبايبك
ناسيني ليه ؟
وبتعمل ايه ؟
اسمع يا حبيبي اسمعني
اسمع يا .. يا حبيبي ..

ان كان لك حب جديد
صارحني وقول
موش حـ ازعل منك
وان كنت فاكرني نسيت
ناري .. ودموعي .. تكذب ضنك
وان كنت نسيتني خلاص
طمني عليك
طمني عليك .. لما اسأل عنك
ناسيني ليه .. ليه
وبتعمل ايه .. تعمل ايه
اسمع يا حبيبي اسمعني
اسمع يا .. يا حبيبي

اللي خذوك مني
يبقوا ياخذوا منك .. ياخذوا منك اللي انا خذتو
ياخذوا حرماني .. وغيرتي
وكل هوان في غرامك شفتو
ويذوقوا عذابك ليٌه .. وظلمك فيٌه
زي ما ذقتو ..
ناسيني ليه .. ليه
وبتعمل ايه .. تعمل ايه
اسمع يا حبيبي اسمعني
اسمع يا .. يا حبيبي

اطلب عيني

أطلب عينى
أطلب عينى ..قلبى و عينى فداك
غاليين على...و أغلى منهم رضاك(2)

صحيتنى من أحلامى ...و مليت بإيدك كاسى
كان الغرام أنغامى...غناها لك إحساسي
و النار فى ضلوعى..من القرب يوم الفراق
و بكيت بدموعى ...حنان و خوف و إشتياق
مهما جرالى فى حبك ..أحب نارك و أحبك
خليتنى أفهم فى الغرام ...معناه ميتقلش فى كلام

نسيت معاك ألامى و وحدتى و تعذيبى
إزاى أعيش آيامى و انت بعيد يا حبيبى
من حيرتى و ذلى سؤال ملهش جواب
مش كنت تقولى أن الغرام فيه عذاب
آه من عذابك بحبه و احب حبك و غلبه
صدفه اتقابلنا فى الحياة ... و بعدها البعد و شقاه
أطلب عيني

اكتبلك جوابات

اكتبلك جوابات .. واستنى ترد عليه
وابعتلك سلامات .. يا اغلى من نن عنيه
واقول جرى ايه .. لازم ناسي
ماردش ليه .. لازم ناسي
لازم ناسي ..

عايش غريب في وحدتي
مالوش سمير إلا غرامك
وايه يخفف لوعتي ؟
غير كلمة من شهد كلامك
جافاني النوم .. وانت ناسيني
وابقى مظلوم .. وتبكيني
واقول جرى ايه .. لازم ناسي
ماردش ليه .. لازم ناسي
لازم ناسي ..

مين ياترى شاغل بالك ؟
وقسى قلبك على حبي
جافيتني والبعد صفالك
وهان عليك تعذيب قلبي
جافاني النوم .. وانت ناسيني
وابقى مظلوم .. وتبكيني
واقول جرى ايه .. لازم ناسي
ماردش ليه .. لازم ناسي
لازم ناسي ..

الشاغل والمشغول

ليلى مراد:
الشـــاغل هو المعشـــوق والعاشـــق هو المشغول
والاتنين بالهم ح يروق لو مشيوا زي مانا ما هاقول
حدّش مشغول البال؟ حدّش فيه عنده سؤال ؟

الكورال :
ظلمني .. هجرني من غير سبب
ودلوقتي عايز يصالحني    قولي لي أعمل إيه ؟
ليلى مراد:
وري لـــه إنك رميتيه من قلبك ولا تسألي فيه
وقولي له إنك نسيتيه وانشغلي واعملي ناسياه .
نار قلبه تشعلل على طول والشاغل يصبح مشغول
وإن شفتي دمعه بيقول: سامحيني.
روحي مسامحاه
حدّش مشغول البال؟ حدّش فيه عنده سؤال ؟
الكورال :
la jalousie
الغيرة يا أبله ، ح اموت من الغيـرة
ليلى مراد:
الغيرة وسواس في قلوب الناس
بتخلي القلب تملي يطب
لغة الإحساس في وتر حساس
لها ألف دليل على معنى الحب

الغيرة صرخة قلب حبيب
يفضل يودي في شوق ويجيب
خايف حبيبه يروح ويغيب
والشوق يزيد النهار لهيب
حدّش مشغول البال؟ حدّش فيه عنده سؤال ؟
الكورال :
ما دام الحب بالشكل ده ، ما بلاش حب بقى؟
ليلى مراد:
الحب كلمة من حرفين من غير ميعاد يقولوها إتنين
مهما قاسينا منه كاس الهوى بيدور
فاهمين .. فاهمين
واللي مش فاهم مينظ
واحد وواحد يبقوا إتنين
والحب كلمة من حرفين
من حرفين

العيش والملح

والعيش والملح وعشرتنا ماتهونـــش علينا محبتنا
ولانقدر على نار فرقتنا وهانرجع ومسيرنا لبيتنا
بيتنا وحشنا وواحشني هواه ويمين بالله يمين بالله
والعيش والملح
قل لي عايز ايه، قل لي عايز ايه؟
مش هاقول لك ليه مش هاقول لك ليه
ليه يقسا قلبك وتنسى حبك والذكريات؟
زعلان اصالحك غلطان اسامحك وانسى اللي فات
انسى اللي فات
بيتنا وحشنا وواحشني هواه ويمين بالله يمين بالله
والعيش والملح
ياما اتخاصمنا واتصالحنا اتخاصمنا واتصالحنا لوحدنا
من غير مانتعاتب رجعنا رجعنا لبعضنا
بهمسة غرام ولمسة حنان بننسى الخصام
كأنه ماكان كأنه ما كان
بيتنا وحشنا وواحشني هواه ويمين بالله يمين بالله
والعيش والملح

اللي يقدر على قلبي

ليلى مراد
اللي يقدر على قلبي يخطفه وأنا أجري وراه
واللى يقدر على حبي يخطبه وأنا أعيش وياه
وساعة إيدى ما تيجي فى إيديه أحس بقلبه وأشوف بعيينيه
أنا أشوف بعينيه
إسماعيل يس
أهو أنا .. أهو أنا .. ولا حد ينفع إلا أنا
شكلي صحيح مالوش دوا لكن اختصاصي فى الهوى
ماما فاتت لي فى البلد .. أطيان كتير مالهاش عدد
كان عندها اتنا عشر ولد ما فضلش منهم إلا أنا
والعزبة دي في شبرا اليمن وح ابيعها بكرا مقدماً
وح اشتري بيها موقتاً دبلة خطوبة حبنا
بس ارحمى .. بس اقبلي .. ما تضيعيش مستقبلي
ليلى مراد :
كلام جميل .. وكلام معقول .. ما اقدرش أقول حاجة عنه
لكن خيال حبيبي المجهول مش لاقيه فيك حاجه منه
شكوكو
من ناحية قلبى ونار قلبي   واتحب بموت
وحبيبى لو غاب يوم عني أرقع ميت صوت
بلدى ومدردح وإذنجى واكسب جنيهات
واعمل م الفول والطعمية أربع عمارات
ندرٍ علي لو قلتي أيوة لأخلّي روحي فى إيديكى شمعة
وافرش عيني في كل خطوة تمشي عليهم والشمعة والعة .

ليلى مراد :
كلام جميل .. وكلام معقول .. ما اقدرش أقول حاجة عنه
لكن خيال حبيبي المجهول مش لاقيه فيك حاجه منه
محمد عثمان
سيبك منهم ده ما فيش غيري قيمة ومركز ووظيفة ميرى
مربوط ع الدرجة التامنة والناس درجات
ومرشــح آخد التاســـــــعة غير العلاوات
ما اعرفش لا كده ولا كده م الباب للباب
لا لي دعوة لا بده ولا بده ولا لي أصحاب
يعنى المهية من الصرّاف مع العلاوة على الانصاف
حيكونوا ملك إيديكى نضاف
وإنشالله آكل أنا عيش حاف حاف
ليلى مراد :
كلام جميل .. وكلام معقول .. ما اقدرش أقول حاجة عنه
لكن خيال حبيبي المجهول مش لاقيه فيك حاجه منه
الياس مؤدب
جيتك من آخر لبنان .. مسلوب الفكر وطمعان
احظى بعيون الغزلان واشرب من نهر الخلان
بحياة ها الورد المبذور فى خدود تحاكي البنور
بحياة من صوّر ها النور ما تخليني أرجع عطشان
نظرة واحدة تشبك قلبي بها العينتين
كلمة واحدة تصير معاهدة بين قلبين
نكتبها بغزل وجنون .. نبصمها بحبات عيون
وتصيرى ليلى وأنا المجنون وأنا المجنون
ليلى مراد :
كلام جميل .. وكلام معقول .. ما اقدرش أقول حاجة عنه
لكن خيال حبيبي المجهول مش لاقيه فيك حاجه منه
ليلى مراد :
حبيبى ...
عمالة أدور عليك وأتاريك هنا جنبى مافضلش غير نظرة واحدة
أفتح لها قلبى ...
كلمينى .. يا شاغلنى
طمنى يا شاغلنى ...

انا وردة

انا وردة ومغمضة
انا لسه قلبي يخاف
لو حب
يا هل ترى تتحقق الأحلام
ولا يقاسي العذاب
ويعيش على الأوهام ؟
من قبل ما يعشقك
قولي ..
قولي قولي .. والنبي قولي
قولي .. ورسيني
ان كنت ناوي .. تخون
موش ضروري غرام
انا وردة .. ومغمضة
دنا .. دنا .. لسه قلبي يخاف

امانه تنسى يوم

أمانه تنسى يوم وتفوت شوية
حرام حتى السؤال يغلى عليّ
أمانه تنسى انسى يوم وتفوت شوية
حرام حتى السؤال يغلى عليّ
رسول الود راح لك وانت غايب
وعاتبك وانت ما قدرتش تعاتب
وعدته يوم تزور بلد الحبايب
وتاري الوعد كان هجر وقسية
وشفتك في المنام بتقول لي بكرا
ونور الفجر بيني و بينه شعرة
مسكت بطرفها أحلام بتجري
سرقها النوم واخدها من عيني
أمانه يا اللي حبك كان أمانه
وانا لوحدي اللي ضحيت له بأمانه
وعرايس الحب في عيوني حزانى
بلاش خاطري عشان خاطرها هي

باب الغفران (ديني)

باب الغفران بخمسة اركان بالنور مليان نور اسلامك
وعليه ملكين واقفين الاتنين يستنوا صلاتك وصيامك
وتلاقي الحور داير مايدور يستنوا اوامرك وكلامك
ياللا ياغفلان باب الرحمن مفتوح على اخره قدامك

ركن التوحيد لله تمجيد يارب فريد في ملكوتك
والصلاة والصوم فرض ومحتوم اياك اياك وقت يفوتك
وزكاة المال من قرش حلال حتكون م الفايض من قوتك
والحج كمان رحمة وغفران لو تقدر حيزيد اكرامك
ياللا ياغفلان باب الرحمن مفتوح على اخره قدامك

قلبك يرتاح لو كل صباح بتقوم الفجر وبتصليه
راح تبقى سعيد والرزق يزيد والمولى بفضله يبارك فيه
العبد ان تاب يلقى التواب من عند الباب بيرحب بيه
واقرا القران بركة وغفران هو اللي ينور ايامك
ياللا ياغفلان باب الرحمن مفتوح على اخره قدامك

ح تقولي ايه

ح تقول لي إيه ياترى وحياتي طمني
إيه الخبر يا ترى اللي انت داريه عني
بُشرة فرح والا فيه غيري اخدك مني
والا كلام المسا
ضاع في سواد الليل
طمني ايه الخبر وحياتي طمني

حبيب قلبي

حبيب قلبي .. حبيب قلبي
يا غنوة كنت بغنيها .. واعيش فيها
بقلبي وروحي وكياني
حبيب قلبي .. حبيب قلبي
ياحبي وعمري ما خنتو .. ولا بعتو
وباع ودي وبكاني
وعايزه انساك .. في يوم واسلاك
ومين يرضى يبيع حبو ؟
وأه منك .. وأه .. أه ياني ..

حبيبي .. خذت ايامي .. واحلامي
وسبت بدالها .. حرماني
ويسألني النهار عنك
ويجي الليل يفكرني .. يفكرني بهواك تاني
وابات اسهر مع الاشواق انا وطيفك
في ليل بعد .. بعدك واشجاني
وعايزه انساك .. في يوم واسلاك
ومين يرضى يبيع حبو ؟
وأه منك .. وأه .. أه ياني ..

مع الذكرى كانت لي عهود .. وكان لي حبيب
بيشتاق لي .. بيشتاق لي واطير حواليه
يغيب عني .. يغيب فرحي
يغيب البدر عن عمري وعن لياليه
وكان الود ثالثنا .. بنوره يغطي سكتنا
نسيت دا ليه ؟
نسيت دا ليه ؟
ليه .. ليه ..
وعايزه انساك .. في يوم واسلاك
ومين يرضى يبيع حبو ؟
وأه منك .. وأه .. أه ياني ..

حقك علي

حقك عليّ ما تزعلشِ ما اقدرش والنبي ما اقدرش
حقك علييّ ما تزعلش
ده أنا أبيع الدنيا فدا نســــــمة ألاقيك من بدري بـــاعتها لي
وأضحّي روحي عشان كلمة تضحك في عينيك وتقولها لي
وتصدق أوما تصدقش
الحق عليّ ما تزعلش..
بتغير من إيه ده أنا أسراري دايما وياك من ورا عقلي
وتخاف من إيه ده أنا أفكاري طول عمرك تقراها قبلي
واللي يجب ما يكرهش
حقك عليّ ما تزعلش
تعال لي وهات عيني في عينك وأنا أصالحك وانت تصالحني
دي الدنيا بــخطوة بيني وبينك هات ايدك يا الله وســــــامحني
بس اضحك بقى ما تكشرش
حقك عليّ ما تزعلش

حكايتنا احنا الاثنين

انا احبك وافضل احبك .. وانت عذابي ودمع العين
تخاصمني وتنكر حبك .. طيب .. حبي اوديه فين ؟
موش بس حكاية قلبك .. حكايتنا احنا الإثنين ..

يا مسهر دمع عيوني .. وحارمني ضي عينيك
الاقيك للسهد بايعني .. والاقيني ببكي عليك
من الغلب اغضب من حبك .. وبقلبي بحن إليك
موش بس حكاية قلبك .. حكايتنا احنا الإثنين ..

الناس بيقولو حبيبي .. خيبت ضنونهم ليه ؟
امال لو كنت عدوي .. يا حبيبي حـ تعمل ايه ؟
ولا مره تقول فين هو .. ولا قلت اطل عليه
موش بس حكاية قلبك .. حكايتنا احنا الإثنين ..

كدا برضو تروح ولا تسأل .. وتفوتني حيران فيك
من ايه واخذ على خاطرك .. وبأيه اقدر ارضيك
اذا كنت نسيت ايامي .. موش حـ انسى جمال لياليك
موش بس حكاية قلبك .. حكايتنا احنا الإثنين ..

انا احبك وافضل احبك .. وانت عذابي ودمع العين
تخاصمني وتنكر حبك .. طيب .. حبي اوديه فين ؟
موش بس حكاية قلبك .. حكايتنا احنا الإثنين ..

حيرانه ليه

حيرانة ليه بين القلوب خليتِ قلبي رح يدوب
حيرانة ليه بين القلوب
رضيت جفاكِ بامتثـال
وسهرت وحدي وليلي طال
مش ترحميه ! ليه تعذبيه ؟
ده القلب خاضع للجمال
ايشمعنى قلبي مش زي قلبك
قاسي بهواكِ من يوم ما شفتك
مهما تجافيه والا تواسيه
ما بين ايديك خاضع لأمرك
القلب مرة يعشق و يرضى
وقلبي والله اخد ع المودة
يا ساكنة فيه ليه تؤلميه
وفي لحبيبك بلاش مناهدة

حيرانة ليه بين القلوب
حيرانة ليــه

دوس ع الدنيا

دوس ع الدنيا وامشي عليها أنا والا انت لينا مين فيها
أنا والا انت لينا مين فيها؟
دوس ع الدنيا وطير وديني جنة حبك واطفي حنيني
عايزة أشوف الجنه بعيني وانت معاي واعيش لياليها
ليه الدنيا ح نبكي عليها أنا والا انت لينا مين فيها
أنا والا انت لينا مين فيها؟
إوعى تحاسب مهما يقابلك وإوعى غيرك يوصل قبلك
كل الدنيا قلبي وقلبك وانت عيني اللي ح اشوف بيها

ليه الدنيا حنبكي عليها أنا والا انت لينا مين فيها
أنا والا انت لينا مين فيها؟
اجري وحصل شوقي وحبي واسبق فرحة روحي وقلبي
طول ما انا جنبك وانت جنبي ليه الدنيا حنبكي عليها
إوعى تشغل روحك بيهاانا والا انت لينا مين فيها
دوس ع الدنيا وامشي عليها أنا والا انت لينا مين فيها
أنا والا انت لينا مين فيها؟

راجع م السفر

وقالولي راجع م السفر .. وقالولي راجع
حسيت بإن الليل مشي .. والفجر طالع
ولقيت بشايرك هلت عليه
والدنيا ضحكت قدام عنيه
ياللي انت راجع م السفر ..

وصيت عليك النسمه .. تحضن خطوتك
والورد يفرش لك عبيره بسكتك
والشمس ما تحماشي .. وانت بطريقك ماشي
زي الربيع .. بتصحي أملي بضحكتك
ياللي انت راجع م السفر ..

يا ألف اهلاً بيك وسهلاً .. يا حياتي
يا عمر قلبي وكل حبي .. وذكرياتي
دنا من زمان وانا في انتظارك .. بالاغاني
ولما تقابلنا انكتبلي عمر تاني
وعرفت اغني غنوتي .. ونسيت اهاتي
ياللي انت راجع م السفر

انا زي ما انا

أنا زي ما أنا وانت بتتغير
أنا هو أنا عمر الهنا قصيّر
وانت بتتغير
أنا روح حواليك شاردة وهايمة
أنا طيف بناديك والناس نايمة
أشتاق وخيالك يناديني
والفكر في الدنيا يطويني
لو تسأل قلبك تلاقيني
أنا زي ما أنا وانت بتتغير
أنا كلي حنين جود بحنانك
أنا لك يا ضنين ليه حرمانك
حيرانة ونورك يهديني
محرومة رضاك بيهنيني
لو تسأل قلبك تلاقيني..
أنا ياما ناديت وانت سامعني
ياما قلت يا ريت يوم يطاوعني
وفايتني أعيش ويـّا ظنوني
ولا ترحم يوم دمع عيوني

لو تسأل قلبك تلاقيني
أنا زي ما أنا وانت بتتغير

راح الهوى

جانا الهوى راح الهوى ولا فاتش للمجروح دوا
راح الهوى
رفرف علينا وفرد جناح وطار واخد كل اللي راح
اخد الهنا و فات الجراح
والسهد والشوق في الجوى
لا قدرنا نحكي ولا هو قال وفي لمحة طار زي الخيال
يا ريته كان بجناحه مال
ولا كان شبك قلبين سوا
فات الهوى بعد اللي كان طبع الهوى زي الزمان
لا له أمان ولا له أوان
ولا حد يعرف إيه نوى

سألت عليه

سألت عليه قالوا مسافر
ولا رضيوش يقولوا فين
سألت عليه سألت عليه
قالوا مسافر
ولما قالوا لي ده سافر
وقالوا ح يغيب سنه وتنين
ساعتها القلب بقى حاير
يروح له فين ويجي منين

لقيت الفكر نادالي
وتاهت الدنيا في عيوني
رجعت سألت من تاني
ح يرجع امتى دلوني
سألت عليه سألت عليه
قالوا مسافر
سألت عليه وكان عندي امل يهنا لي
وكنت الدنيا فاكراها ح تضحك يوم وتصفا لي
كان بدي اقول كلام كتير مش عارفه ايه
ح افتكره كله لو عيني جات تاني في عنيه

ولما الفكر ناداني
وتاهت الدنيا في عيوني
رجعت سألت من تاني
ولا رضيوش يدلوني
سألت عليه سألت عليه
قالوا مسافر

عش الهوى

احلام هوايا .. وعمر حبي
وكاس هنايا .. راح فين يا قلبي
راح فين زماني .. فين راح يا قلبي
اللي جفاني .. قلبو غدربي
راح فين .. فين .. فين .. يا قلبي

هنا في عش الهوى تواعدنا
هنا تقابلنا .. وهنا تعاندنا
وياما قلنا .. وياما عدنا
ومين يقولو .. راح فين دا كلو
راح فين .. فين .. فين .. يا قلبي

ياما حلفلي .. عـ الحب قلبك
وقلبي حبك وعاش يحبك
كان حلم ولا انا كنت جنبك
ومين يقولو .. راح فين دا كلو
راح فين زماني .. فين راح يا قلبي
اللي جفاني .. قلبو غدربي
راح فين .. فين .. فين .. يا قلبي

احكي وقيليلو يا حلا وردة
ايه اللي غير حالنا انهارده
دنيانا كانت هنا وموده
مناي اقولو .. راح فين دا كلو
راح فين .. فين .. فين .. يا قلبي

علمني و اعلمك

بالعين بقول بحبك .. من غير ما اكلمك
موش تفهم يوم بقلبك .. انا لازم افهمك
علمني واعلمك .. انا لازم افهمك
أه .. افهمك

بتفوت والقلب شايفك .. ومسابق خطوتك
البسمه فوق شفايفك .. والجنه في نظرتك
وازاي الروح تخالفك .. وعينها ترسمك
علمني واعلمك .. انا لازم افهمك
أه .. افهمك

بتعدي وعيني منك .. موش قادره توعدك
يشغلها ضي حسنك .. وبخاف لا تحسدك
مااقدرش ابعدها عنك .. وياريتها تفهمك
علمني واعلمك .. انا لازم افهمك
أه .. افهمك

الشوق لو طال عليٌه .. الشكوه غنوتي
والنوم لو فات عنيٌه .. الأه دي سلوتي
لو قلبك لان شويه .. يرحمني ويرحمك
علمني واعلمك .. انا لازم افهمك
أه .. افهمك

على مهلك

على مهلك حاســـــب على مهلك
وحدة وحدة عشان النار اللي قلبك
تفضل قايدة وحدة وحدة
أنا لسه يادوب عارفاك
وعينيّ يادوب شايفاك
عمّـال تــحـكي لـي كــــلام من فمك حلو مليح
أشواق وغرام وهيام خايفة لا مايكونش صحيح
من ساعة قلبي ما جاه جارك
نار حبه قادت من نارك
من خوفي عليه لا النار تكويه
عمّـال أداديه وأحايل فيه
وبقول يا قلبي ارجع داري على نارك تولع
أنا خايفة ماعرفاش ليه
خزيانة ما عرفاش ليه

» سجل حضورك بجمله من أغانى ليلى مراد
» ليلى مراد
» صور الجميلة ليلى مراد
» كلمات أغانى شادية
» أغنية الفن بصوت ليلى مراد